බැතියෙන් සමරන දීපාවලී උත්සවය අදයි

හින්දු බැතිමතුන්ගේ භක්තියෙන් සමරන  දීපාවලී උත්සවය අදට යෙදී තිබෙනවා.

විෂ්ණු දෙවිඳුන් නරගාසුරන් නමැති අසුරයා පරාජය කිරීම සිහිපත් කරමින් හින්දු බැතිමත්හු දීපාවලී උත්සවය සමරනු ලබනවා.

තමන් ආලෝකය ලබා ගත් අයුරින් ලොව සියලු දෙනාට ද ආලෝකය දැකීමට ඉඩ සළසන්නැයි පරාජයට පත් නරගාසුරන් අසුරයා විෂ්ණු දෙවිඳුන්ගෙන් ඉල්ලීමක් කළ බවයි වේද සාහිත්‍යයේ දැක්වෙන්නේ.

හින්දු බැතිමතුන් මෙම දිනය සිහිපත් කර පහන් දල්වා ආගමික වතාවත්වල නිරත වන්නේ , ඒ ආලෝකය පරිද්දෙන් සියල්ලන්ගේ සිත් සතන් තුළ ආලෝකය පැතිරේවා යන ඒකායන ප්‍රාර්ථනය සහිතවයි.

අධර්මය පරදවා ධර්මය ජය ගැනීම සංඛේතවත් කරමින් පහන් මාලාවක් දැල්වීම ද දීපාවලී දිනයේ තවත් චාරිත්‍රයක් වනවා.

මියගිය ඥාතීන් සිහිපත් කරමින් කෝවිල්වලට ගොස් ගිතෙල් පහන් දල්වන හින්දු බැතිමතුන් රස කැවිලි අනුභව කරමින් මෙම දිනය සතුටින් සැමරීමටයි කටයුතු කරනු ලබන්නේ.

Leave a Reply

Your email address will not be published. Required fields are marked *