ලසන්ත ඝාතන සිද්ධියට හිටපු පොලිස්පතිවරයකුට රට ගමන් තහනම්

සන්ඬේ ලීඩර් හිටපු කර්තෘ ලසන්ත වික‍්‍රමතුංග මහතා ඝාතනය කිරීමේ සිද්ධියේ සාක්කි වසන් කිරීම සම්බන්ධයෙන් සැකකරුවන් ලෙස නම් කිරීමට ඉඩ ඇති හිටපු පොලිස්පති ජයන්ත වික‍්‍රමරත්න මහතා ඇතුලූ හිටපු උසස් පොලිස් නිලධාරීන් තිදෙනකුගේ විදේශ ගමන් තහනම් කිරීමට ගල්කිස්ස මහේස්ත‍්‍රාත් අධිකරණය නියෝග කර තිඛෙනවා.

හිටපු පොලිස්පති ජයන්ත වික‍්‍රමරත්න මහතාට අමතරව හිටපු ජ්‍යෙෂ්ඨ නියෝජ්‍ය පොලිස්පති ප‍්‍රසන්න නානායක්කාර සහ හිටපු ජ්‍යෙෂ්ඨ පොලිස් අධිකාරී හේමන්ත අධිකාරී මහත්වරුන්ගේ ද විදෙස් ගහන් තහනම් කිරීමටයි මෙහිදී නියෝග කෙරුණේ.

මෙම පොලිස් නිලධාරීන්ගේ විදෙස් ගමන් තහනම් කරන ලෙස අපරාධ පරීක්ෂණ දෙපාර්තමේන්තුව ඉල්ලා සිටියේ ලසන්ත වික‍්‍රමතුංග ඝාතන විමර්ශන සිදුකරද්දී සාක්කි විනාශ කළේයැයි සැකපිට අත්අඩංගුවට ගත් ගල්කිස්ස පොලිසියේ අපරාධ අංශයේ හිටපු ස්ථානාධිපති උප පොලිස් පරීක්ෂක තිස්ස සුගතපාල මහතා අධිකරණයයට ඉදිරිපත් කරමිනි.

එම සැකකරු ලබන 16 වැනි දා තෙක් රක්ෂිත බන්ධනාගාරගත කෙරුණා.

සැකකරු මහේස්ත‍්‍රාත් නිල මැදිරියට ඉදිරිපත් කරමින් රහස් පොලිසියේ සමූහ මංකොල්ල විමර්ශන අංශයේ නිලධාරීන් ප‍්‍රකාශ කළේ ආරක්ෂක අමාත්‍යංශයේ සිටි උසස්   නිලධාරියකුගේ උපදෙස් පරිදි උසස් පොලිස් නිලධාරීන් පිරිසක් මෙම සිද්ධියේ සාක්කි විනාශ කළ බවට කරුණු අනාවරණය වන බවයි.


Lankaanews දවසේ වීඩියෝව 2018.05.20