වාස් ගුණවර්ධන කළ තර්ජනය CID ප්‍රධානියා හෙළිකරයි

මොහොමඩ් සියාම් ඝාතන සිද්ධිය සම්බන්ධයෙන් හිටපු නියෝජ්‍ය පොලිස්පති වාස් ගුණවර්ධන මහතා අත්අඩංගුවට ගැනීමට ගිය අවස්ථාවේ ඔහු සිදුකළ තර්ජනය සම්බන්ධයෙන් රහස් පොලිසියේ අධ්‍යක්ෂ ජ්‍යෙෂ්ඨ පොලිස් අධිකාරී ශානී අබේසේකර මහතා කොළඹ මහාධිකරණ විනිසුරු ගිහාන් කුලතුංග මහතා හමුවේ ඊයේ අනාවරණ කළා.
ඒ අදාළ සිද්ධිය සම්බන්ධයෙන් සාක්ෂි ලබාදෙමින්.
මේ එම ප්‍රකාශයයි.

‘සර්, අත්අඩංගුවට ගන්නවා කියා හිටපු නියෝජ්‍ය පොලිස්පති වාස් ගුණවර්ධන මහතාට දැනුම් දුන් අවස්ථාවේදී අරෝවක ස්වරයෙන් කතා කළ ඔහු ‘ශානී, මං මිනී මරුවෙක්. මං හැමදාම ඇතුලේ ඉන්නේ නැහැ. මං එළියට ආවාම කරන දේ බලාගනින් යනුවෙන් කී අවස්ථාවේදී මා සහ මගේ අඹු දරුවන්ගේ ජීවීත පිළිබඳ බියක් ඇති වුණා‘‘
‘‘ 1996 වසරේදී උප පොලිස් පරීක්ෂකවරයෙකු ලෙස පොලිසියට එක් වූ මා මේ වන විට රහස් පොලිසියේ අධ්‍යක්ෂවරයා ලෙස කටයුතු කරනවා. මෙම නඩුවට අදාළ සිද්ධිය වු 2013 ජුනි මාසය වන විට රහස් පොලිසියේ සහකාර පොලිස් අධිකාරීවරයා ලෙස කටයුතු කළා. 2013 මැයි මස 22 වැනිදා බම්බලපිටියේදී මෙහොමඩ් සියාම් නමැත්තා පැරගෙන ගොස් ඝාතනය කළ බවට පැමිණිල්ලක් ලැබුණු අතර පොලිස්පතිවරාගේ නියෝග මත ඒ සම්බන්ධ පරීක්ෂණ මා යටතට පත් කළා. ඒ වන විට මෙම සිද්ධිය පිළිබඳව බම්බලපිටිය හා කොළඹ අපරාධ කොට්ඨාසය මඟින් පරීක්ෂණ සිදු කර ක්‍රිෂාන්ත විශ්වරාජ් කෝරලේ හා මොහොමඩ් ෆවුස්ඩීන් නමැති සැකකරුවන් අත්අඩංගුවට ගෙන තිබුණා.

අපි පරීක්ෂණ ආරම්භ කළ පසු බස්නාහිර උතුර ප්‍රදේශය බාරව කටයුතු කළ හිටපු ජ්‍යෙෂ්ඨ නියෝජ්‍ය පොලිස්පති වාස් ගුණවර්ධන මහතා යටතේ සේවය කළ උප පොලිස් පරීක්ෂක ලක්මිණ බමුණුසිංහ, කොස්තාපල්වරුන් වන සනත්චන්ද්‍ර, සංජීව සහ කැලූම් අපි අත්අඩංගුවට ගත්තා. අපි මේ සැකකරුවන්ගෙන් ප්‍රශ්න කරද්දී මෙම අපරාධයට හිටපු ජ්‍යෙෂ්ඨ නියෝජ්‍ය පොලිස්පති වාස් ගුණවර්ධන මහතා ඔහුගේ පුතා වන රවි`දු වාස් ගුණවර්ධන සම්බන්ධ බවට තොරුතුරු හෙළි වුණා. මා මේ බව හිටපු පොලිස්පති ඉලංගකෝන්, රහස් පොලිසිය බාර නියෝජ්‍ය පොලිස්පති රවීන්ද සෙෙවිරත්න, රහස් පොලිසියේ අධ්‍යක්ෂ ගාමිණී මතුරට, පොලිස් අධිකාරීවරුන් වන රණවක සහ ප්‍රියන්ත චන්ද්‍රසිරි යන මහත්වරුන්ට දැනුම් දුන්නා.

ඉන් පසු රහස් පොලිසියේ අධ්‍යඬ ගාමිණී මතුරට මහතාගෙන් මට ලැබුණු උපදෙස් වලට අනුව මොහොමඩ් සියාම් ඝාතන සිද්ධිය පිළිබ`දව ප්‍රකාශයක් ලබා ගැනීමට මා නියෝජ්‍ය පොලිස්පති වාස් ගුණවර්ධන මහතා කැඳවනු ලැබු අතර 2013 ජුනි මස 10 වැනිදා දහවල් 11.00ට පමණ ඔහු අපරාධ පරීක්ෂණ දෙපාර්තමෙන්තුවට පැමි‚යා. එතැන් සිට ඔහුගේ ප්‍රකාශය සටහන් කරගත් අපි රාත්‍රී 9.15ට පමණ එය අවසන් කොට එම ප්‍රකාශය ඔහුට කියවීමට ලබාදීමෙන් අනතුරව රාත්‍රී 9.45ට පමණ මොහොමඩ් සියාම් ඝාතන සිද්ධිය සම්බන්ධයෙන් සර්, අත්අඩංගුවට ගන්නවා කියලා මා දැනුම් දුන්නා.

ඒ අවස්ථාවේදී නියෝජ්‍ය පොලිස්පති වාස් ගුණවර්ධන මහතා ඔහු ඉඳගෙන සිටි පුටුව එකපාරටම පස්සට දාලා නැඟිට්ටා, පසුව ඔහු කතා කොට ‘මට තේරුණා උඹලා මට මේ වැඩේ කරනවා කියලා. හැබැයි හැමදාම උඹලට මාව මේක ඇතුලේ තියාගන්න බැහැ. ශානි මං මිනී මරුවෙක්, මං එළියට ගියදාට උඹලට කරන දේ බලාගනිල්ලා‘ කිව්වා. ඒ වේලාවේ එතැන ප්‍රධාන පොලිස් පරීඬකවරුන් වන රන්ජිත් මුණසිංහ, දිසානායක, පොලිස් පරීඬක නිශාන්ත සිල්වා උප පොලිස් පරීඬක උපාලි හා ප්‍රේමතිලක යන නිලධාරීන් සිටියා. මේ තර්ජනය කිරීමෙන් අපිට මරණය හෝ බරපතල තුවාල සිදුකරන බව හැඟී බියට පත්වුණා.

ඒ වන විට කාලයක් මා පොලිස් සේවයේ යෙදී සිටියත් කිසිමදාක මෙවැනි අත්දැකීමකට මුහුණ දී තිබුණේ නැහැ. ඒ වන විට විවාහකයෙකු වන මා දරු දෙදෙනෙකුගේ පියෙක් මා නාරාහේන්පිට ප්‍රදේශයේ පදිංචිව සිටියත් මට කිසිම ආරක්ෂාවක් තිබුණේ නැහැ. මෙම සිද්ධිය වන තුරු මා වාස් ගුණවර්ධන මහතා සමඟ කතා කොට තිබුණේ නැහැ. ඔහු මා සමඟවත්, මා ඔහු ස`මගවත් තරහක් තිබුණේ නැහැ.

Please follow and like us:

Leave a Reply

Your email address will not be published. Required fields are marked *

Social media & sharing icons powered by UltimatelySocial