You are here
Home > ආසන්න-පුවත් > සෝමවීර සේනානායක නික්මෙයි

සෝමවීර සේනානායක නික්මෙයි

ප්‍රවීණ නවකතා කරුවෙකු පුවත් පත් කලාවේදියකු මෙන්ම ටෙලි නාට්‍ය තිර රචකයකු වන සෝමවීර සේනානායක මහතා අද අභාවප්‍රාප්ත වුණා.

සති දෙකකට වැඩි කාලයක් ගිලන්ව සිටි සෝමවීර සේනානායක මහතා අභාවප්‍රාප්ත  වන විට  74 වැනි වියේ පසු වුණා.

රූපවාහිනී ප්‍රෙක්ෂකයන් අතර මහත් ජනප්‍රියත්වයට පත් යශෝරාවය, දූ දරුවෝ, මැණික් නදිය ගලා බසී ඇතුළු ටෙලිනාට්‍ය රැසක පිටපත් රචනය කරන ලද්දේ සෝමවීර සේනානායක මහතා විසිනි.

සිංහල සාහිත්‍ය කලාවට සුවිශේෂ වු සේවයක් කළ සෝමවීර සේනානයක මහතා 1944 වර්ශයේ නොවැම්බර් 25 වන දින උපත ලැබීය. මෙතුමාගේ පියා ඵමි.ඵන් සේනානායකය. මව ලිනිය කුමාරගේ ලීනී පෙරේරාය. කෑගල්ල දිස්ත්‍රික්යේ පිහිටි ඇපලපිටිය බැලවාන මෙතුමාගේ ගමය. ගාමිණි සේනානායක හා පැරකුම් සේනානායකද මෙතුමාගේ සොහොයුරන් දෙදෙනා විය. මෙතුමා මුලින්ම පාසැල් ගියේ කුඩාගම කණිටු විදුහලටය. ඉන්පසු ඇපල පිටිය විදුහලටත් රැවන්වැල්ල රාජසිංහ මැදි විදුහලටත් ඇතුළුවී ශිල්ප හැදෑරීය. විද්‍යෝදය විශ්ව විද්‍යාලයට ඇතුළුවී ශිල්ප හැදෑරීය.විද්‍යෝදය විශ්ව විද්‍යාලයට ඇතුළු වු සෝමවීර 1966 දී හා 1976 දී ශාස්ත්‍රපති උපාධිය ලබාගන්නා ලදි.1970 දී සාහිත්‍ය නිර්මාණ පිළිබඳ ඩිප්ලෝමා උපාධියද ලබාගන්නා ලදි. 1972 දී සෝමවීර බොරලැස්ගමුවේ රූපා ලාලනි බමුණු ආරචිචි සමග විවාහ වී පුතෙකුගේ හා දියණියගේ පියෙක් විය. පුතා අකලංක විශ්වමිත්‍ර වු අතර දුව මධුභාෂිණි සේනානායක විය.

මෙතුමා වෘත්තිය වශයෙන් කලාවට සමිබන්ධ විය. පුවත්පත්,සඟරා ලේඛකයකු ලෙසද කෙටි කතා, නවකතා හා චිත්‍රකතා හා චිත්‍රකතා රචකයෙකු ලෙසද ළමා පොත් කතුවරයෙකු ලෙසද විචාරකයකු ලෙසද පරිවර්තකයකු ලෙසද ටෙලි නාට්‍ය රචකයකු ලෙසද වෘත්තිය වශයෙන්ද සේවාවන් ඉටු කරයි. ඵ් වගේම චිත්‍රපට තිර රචකයෙකු වන ඵතුමා රූපවාහිනි වැඩසටහන් අධක්‍ෂකවරයෙකු ලෙසද කටයුතු කරයි. සරසවිය,දිනමිණ ආදී පුවත්පත් වල උප කර්තෘ වරයෙකු වන අතර නව යුගයෙහි ප්‍රධාන කතෘ ලෙස සේවය කරයි. මිනිස් හදවත් තුළට බුදු දහම ව්‍යාප්ත කිරීම සඳහා මෙතුමා විශාල කැපවීමක් කරයි. රූපවාහිනියට සමිබන්ධ වු සෝමවීර සේනානායක මතින් තොර බෞද්ධ සමාජයක් බිහිකිරීමට තම නිර්මාණ ඉදිරිපත් කිරීමට තම නිර්මාණ ඉදිරිපත් කිරීමට පෙළඹිණි. පළිඟු මැණිකේ, දු දරුවෝ, නෑදෑයෝ හා සිත නිවන කතා වැනි නාට්‍ය මෙයට හෝ හොඳ උදාහරණ වේ. ඒ වගේම අධ්‍යාපන දෙපාර්තමේන්තුවේ ආගමික සේවාවන්ට දායක වෙමින් දේශනද පවත්වයි.

ජාති, ආගම් භේදයකින් තොරව සම්මාන රැසකින් පුදනු ලැබූ මෙතුමා විශිෂ්ඨ කලාකරුවෙක් ලෙස හැඳින්වීමට පුළුවන.

සම්මාන

1972 දී මවකගේ ගීතය, 1977 දී යශෝරාවය හා 1983 දී මැණික් නදිය ගලා බසී යන නව කතාවන්ට හොඳම නවකතා රාජ්‍ය සම්මාන ලැබීය.
1994 දී ජාතික අමද්‍යප සම්මානයද, මත් ද්‍රව්‍ය නිවාරණ ස්වර්ණ පද්ම සම්මානයද පුදනු ලැබීය.
2002 සුමති ටෙලි සම්මාන උළෙලේදී හොඳම ටෙලි නාට්‍ය රචනය වෙනුවෙන් උතුරු කුරු සටන සඳහා සම්මාන ලැබීය.

නිර්මාණ

විචාර

නිර්මාණශීලි ලේඛනය
කෙටි කතා විචාරය සහ නිර්මාණය
කෙටි කතා කලාව
රූපවාහිනි රචනා කලාව
ජි.එච්.පෙරේරා නිර්මාණ විමර්ශනය

ළමා පොත්

ලස්සන වස්තුව
දඩ මං ඔස්සේ
ගඟ අද්දර කැලේ
දියෙන් උපන් කුමාරයා
නව කතා

ආදරයට බය මිනිස්සු
අඹු සැමියෝ
මවකගේ ගීතය (1972 හොඳම නවකතාව – රාජ්‍ය සාහිත්‍ය සම්මානය)
එක් ටැම් ගෙවල්
මතු දවස
ඉර හඳ පායන ලෝකය
යශෝරාවය (1977 හොඳම නවකතාව – රාජ්‍ය සාහිත්‍ය සම්මානය)
බලදේවගේ ලෝකය
සෝමවීර සේනානායක රූපවාහිනි රචනා ඒකාංග ටෙලි නාට්‍ය

වෙසක් පහන
වින්කල් පැංචා
මල් මාවත
යොමා නුවන්
අපූරු ගම
දෙමව්පියෝ
දරු සුරතල්
නදී තෙර
වෙස් බැඳි මිනිස්සු
උඩු පිලයි යටි පිලයි
තවත් පෙරහැරක්
අහළ පහළ
අම්මා
තාත්තා
අඹු සැමියෝ
පහන් සිළුව
සහෝදරයෝ
එහා ගෙදර
අපේ කාලේ පාටාචාරාවක්
හිත මිතුරෝ
අඳුරට එළියක්
එක වහල යට
අලුත් නෑයෝ
ගැල් ගව
කන්ද උඩ බංගලාව
අම්මාවරු
කැපකරු මව්පිය
වන්දනා ගමන
මලක කඳුළු
සහන් එළිය
සිත නිවන කතා ටෙලි නාට්‍ය මාලාව
කෙටි කතා සංග්‍රහය

සුද්දා පරාදයි
භවතු සබ්බ මංගලම්
වන්දනා ගමන
මාලා ටෙලි නාට්‍ය

පළිඟු මැණිකේ
රන් කහවණු
මිහිකතගේ දරුවෝ
අසල්වැසියෝ – 1
අසල්වැසියෝ – 2
මවකගේ ගීතය
මැණිකේ නදිය ගලා බසී
කන්දෙ ගෙදර – 1
කන්දෙ ගෙදර – 2
චරිත තුනක්
ගිරය
මට මතකයි
දූ දරුවෝ (කොටස් 230)
සඳළු තලය
අපේ ඇත්තෝ
අම්මයා තාත්තායි
සිටුවරයෝ
නෑදෑයෝ
සෙනහෙවන්තයෝ
සුබ දවසක
වාර්තා

සිරිකත මහිම
බුලත් මහිම
ජල දහරාවෝ
දළදා මාලිගාවේ අවුරුදු සිරිත
රම්‍ය අටමස්ථානේ
වාසනාවෙ මල් පිපිලා
මිටියාවතක
පනහ සපිරි රස දහසක්
පුන්‍ය භූමි
සිරි දළදා පෙරහැර සිරිත
පුවත්පතක් බිහිවෙයි
සඳේ තනියට පුංචි තරුවක්
පිපුණු මලේ රුව
යළිත් වසන්තය
සවි ශක්ති
චිත්‍රපට තිර රචනා

ආරාධනා
සූරියකාන්ත
ජීවිතයෙන් ජීවිතයක්
සත්වෙනි දවස
සෙනෙහසක කඳුළු
මිහිඳුම් සිහින
පෙති ගෝමර
පොඩි රාලහාමි
මැණික් මාළිඟා
තනි තරුව
වෑකනදේ වලව්ව
ජීවි සටහන්

අපි තවමත් සංසාරේ

ධර්ම සාහිත්‍ය කලා චූඩාමණී සෝමාවීර සේනානායක

පරිවර්තන

දිවි සුරකින දැනුම

සම්මාන

සෝමවීර සේනානායක නම් වූ ඔහු ලද උපහාර

ධරම් සාහිත්‍ය කලා චූඩාමාණී ගෞරව නාම සම්මුතිය – අස්ගිරි මහා විහාරය – 2002

හොඳම නවකතාකරුට හිමි රාජ්‍ය සාහිත්‍ය සම්මානය – මවකගේ ගීතය – 1972

හොඳම නවකතාකරුට හිමි රාජ්‍ය සාහිත්‍ය සම්මානය – යශෝරාවය – 1977

හොඳම නවකතාකරුට හිමි රාජ්‍ය සාහිත්‍ය සම්මානය – මැණික් නදිය ගලා බසී – 1983

සබරගමු මහා කලාකරු (ඉඹුලාව ශ්‍රි සේන මහා විදුහල) 2000

නිර්මාණ පද්ම සම්මානය – කොට්ටාව නිර්මාණ සහ සංස්කෘතික සංවිධානය – 1998

ඇගයීම් උපහාර – පිළියන්දල ප්‍රාදේශිය සාහිත්‍ය උත්සවය-2000

National Temperance Award-Best Media Award-1998

හොඳම තිර රචක- සුමිති ටෙලි සම්මාන උළෙල – 1999

ආදි සිසු උපහාර – රුවැන්වැල්ල රාජසිංහ මධ්‍ය මහා විද්‍යලය – 2000

විද්‍යොදය විභුෂණ – විදුදය/ජ.පුර සහෘද සංසදය – 1999

තුන් කෝරල කලා විභුෂණ – රුවැන්වැල්ල ප්‍රාදේශිය ලේකම් කාර්යාලය – 2000

කැළණි මිටියාවතේ පොදු ජන උදාන උපහාරය

ස්වර්ණ පද්ම සම්මානය – ශ්‍රි ලංකා අමද්‍යප යොවුන් සමාජය – 1994

ධර්ම සාහිත්‍ය කලා චුඩාමාණී ගෞරව නාම සම්මුති ලත් සෝමවීර සේනානායක නම් වු ඔහු සම්බුද්ධ දේශිත ධර්ම මාර්ගය ප්‍රායෝගික ජීවිතයට ජීවිතයට සමීප කරවනු වස් දහසකට අධික නිර්මාණ රැසක් කෙටි කථා, නව කථා, ළමා කථා, ප්‍රබන්ධ කථා, ශාස්ත්‍රී ලිපි, පුවත්පත් ලේඛන ලෙසත්, ඒකාංගි ටෙලි නාට්‍ය, මාලා ටෙලි නාට්‍ය වාර්තා සහ විචිත්‍රංග ලෙසත්, චිත්‍රපට ලෙසත්, ගුවන් විදුලි වැඩසටහන් ලෙසත්, දේශන ලෙසත්, සිංහල සාහිත්‍ය කලාවට ප්‍රදානය කළ ප්‍රවීණ ජනමාධ්‍යවේදී ශාස්ත්‍රපති.

ධර්ම සාහිත්‍ය කලා චූඩාමණී යන ගෞරව නාම සම්මුතිය 2002 ජනවාරි මස 26 වෙනි සෙනසුරාදි ප.ව. 3.00 ට මහනුවර අස්ගිරි මහා විහාරයීය මංගල උපෝසථාගාරයේදී පිරිනමන ලද වගයි.

Top