එජාප මන්ත්‍රීන් හමුවේ ජනපති හෙළිකල රහස

පසුගිය මහ මැතිවරණය එක්සත් ජාතික පක්ෂය ජයග්‍රහණය කිරීමේ රහස ජනාධිපති මෛත්‍රිපාල සිරිසේන මහතා එක්සත් ජාතික පක්ෂයේ පසුපෙළ මන්ත්‍රින් හමුවේ ප්‍රථම වරට අනාවරණය කර තිඛෙනවා.

ජනාධිපතිවරයා මේ රහස හෙළිකර තිබෙන්නේ ඉකුත් බදාදා රාත්‍රි කැබිනට් කාර්යාලයේදී එජාප පසුපෙළ මන්ත්‍රි පිරිසක් හමුවූ අවස්ථාවේදීයි.

මේ සාකච්ඡාවේදී, ශ්‍රී ලංකා නිදහස් පක්ෂයේ ඇතැම් ඇමැතිවරුන්, එක්සත් ජාතික පක්ෂයේ මන්ත්‍රිවරුන්ගේ ක්‍රියා කලාපය විවේචනයට ලක්කර ඇති එ.ජා.ප මන්ත්‍රිවරුන්, එක්සත් ජාතික පාක්ෂිකයන්ගේ ඡන්ද ලබාගෙන මෛත්‍රිපාල සිරිසේන මහතා ජනාධිපති තනතුරට පත්වූ බව අමතක කර විවිධ විවේචන කරන බවද සදහන් කර තිඛෙනවා.

පසුගිය මහ මැතිවරණය පැවැත්වීමට ආසන්නයේ ශ්‍රී .ල.නි. පක්ෂයේ සහ එ.ජ.නි. සන්ධානයේ ලේකම්වරුන් දෙදෙනා තනතුරුවලින් ඉවත් නොකරන්නට, එක්සත් ජාතික පක්ෂයට මැතිවරණය ජයග්‍රහණය ලබා ගැනීමට නොහැකි වෙන බව මේ සාකච්ඡාවේදී පෙන්වාදී ඇති ජනාධිපතිවරයා ඒ බව හොඳින් මතක තබාගන්නා ලෙසයි එජාප මන්ත්‍රීවරුන්ගෙන් ඉල්ලීමක් සිදුකර ඇත්තේ.

ශ්‍රී ලංකා නිදහස් පක්ෂයෙන් ආණ්ඩුවට එක්වී සිටින ඇමැතිවරුන්ට එල්ල කරන චෝදනා, එම ඇමැතිවරු එක්සත් ජාතික පක්ෂයේ ඇමැතිවරුන්ටත් එල්ල කරන බව ජනාධිපතිවරයා සඳහන් කළ බව එම සාකච්ඡාවට සහභාගි වූ එජාප පසුපෙළ මන්ත්‍රිවරයෙක් අනාවරණ කළා.
ශ්‍රී ලංකා නිදහස් පක්ෂයේ මැති ඇමැතිවරුන් ආණ්ඩුවෙන් ඉවත්වීමට අවසර ඉල්ලූ අවස්ථාවේ ලබන දෙසැම්බර් මාසය දක්වා අමාරුවෙන් රඳවා ගෙන සිටින බවද මෙහිදී ජනාධිපතිවරයා සිහිපත් කර ඇතැයිද ශ්‍රී .ල.නි. පක්ෂය ආණ්ඩුවෙන් ඉවත් වුවහොත් කුමන තත්ත්වයක් ඇතිවේ දැයි ප්‍රශ්න කර ඇතැයිද දැනගන්නට ලැඛෙනවා.
එජාප මන්ත්‍රි කණ්ඩායම සමඟ මාසකයට වරක්වත් හමුවී සාකච්ඡා කරන ලෙසද එම මන්ත්‍රි පිරිස ජනාධිපතිවරයාගෙන් ඉල්ලීමක් සිදුකර තිඛෙනවා.
එක්සත් ජාතික පක්ෂයේ පසුපෙළ මන්ත්‍රිවරුන් 52 දෙනකු මේ හමුවට සහභාගීව සිටියා.

Leave a Reply

Your email address will not be published. Required fields are marked *

Close