Friday, September 20News That Matters

ප්‍රධාන-පුවත්

හේමසිරිට හා පූජිතට ඇප දීම ගැන නියෝගය ලබන මස 9වනදා

හේමසිරිට හා පූජිතට ඇප දීම ගැන නියෝගය ලබන මස 9වනදා

කොළඹ ප්‍රධාන මහේස්ත්‍රාත් අධිකරණ නියෝගයක් ප්‍රතිශෝධනය කරන්නැයි ඉල්ලා අපරාධ පරීක්ෂණ දෙපාර්තමේන්තුව ගොනු කළ ප්‍රතිශෝධන අයදුම්පත පිළිබඳ විභාගය අද අවසන් කරනු ලැබුවා. නීතිපතිවරයා විසින් එම අයදුම්පත ගොනු කර ඇත්තේ, හිටපු ආරක්ෂක ලේකම් හේමසිරි ප්‍රනාන්දු මහතා සහ අනිවාර්ය නිවාඩු යවා සිටින පොලිස්පති පූජිත් ජයසුන්දර මහතා ඇප මත මුදා හැරීමට නිකුත් කළ නියෝගය ප්‍රතිශෝධනය කරන ලෙස ඉල්ලමින්. එම අයැදුම්පත සම්බන්ධ නියෝගය ලබන මස 9 වන දා නිකුත් කිරීමට කොළඹ ප්‍රධාන මහාධිකරණ විනිසුරු විකුම් කළුආරච්චි මහතා අද නියෝග කළා. කොළඹ ප්‍රධාන මහේස්ත්‍රාත් අධිකරණය විසින් සැකකරුවන් දෙදෙනාට ඇප ලබා දෙමින් නිකුත් කළ නියෝගය ඉතා වැරදි සහගත එකක් බවත්, නෛතික වශයෙන් දෝෂ 05ක් ඇති බවත් පවසමින් එම නියෝගය ප්‍රතිශෝධනය කර සැකකරුවන් රක්ෂිත බන්ධනාගාරගත කරන ලෙස නීති
රාජ්‍ය දේපල මැතිවරණ ප්‍රචාරණයට බෑ / මැතිවරණ කොමිසම

රාජ්‍ය දේපල මැතිවරණ ප්‍රචාරණයට බෑ / මැතිවරණ කොමිසම

රාජ්‍ය උත්සව සහ රාජ්‍ය දේපළ භාවිත කර පක්ෂ, අපේක්ෂකයින් සහ දේශපාලනඥයින් ප්‍රවර්ධනය හෝ අගතියට පත් වන ආකාරයෙන් කටයුතු කිරීම නීති විරෝධී බව මැතිවරණ කොමිසම පවසනවා. ආණ්ඩුක්‍රම ව්‍යවස්ථාවට අනුව සහ ජනාධිපතිවරයා තෝරා පත් කර ගැනීමේ පනතේ සහ මැතිවරණ කොමිසමේ විධිවිධානවලට අනුව එය දඬුවම් ලැබිය හැකි වරදක් බවයි කොමිසම පවසන්නේ. එහෙත් මහජන මුදල් වැය කරමින් කරන මුල්ගල් තැබීම්, විවෘත කිරීම් සහ ජනතා අයිතියට පැවරීම් යනාදී උත්සවවලදී දේශපාලනඥයින් ප්‍රවර්ධනය කෙරෙන බවට පැමිණිලි ලැබෙමින් පවතින බව ජාතික මැතිවරණ කොමිෂන් සභාව ප්‍රකාශ කළා. එවැනි අවස්ථා පිළිබඳ පැමිණිලි කොමිසමට ඉදිරිපත් කරන්නැයි ද ජාතික මැතිවරණ කොමිසම ජනතාවට දැනුම් දෙනවා.
ඇලිටි සමාගම නොකියාම නෙළුම් කුළුණෙන් ගිහින් /තානාපති කියයි

ඇලිටි සමාගම නොකියාම නෙළුම් කුළුණෙන් ගිහින් /තානාපති කියයි

ඒරෝස්පේස් ලෝන්ග් මාච් ඉන්ටර්නැෂනල් ට්‍රේඩ් සමාගම (ඇලිට්) ඔවුන්ගේ ලිපිනය වෙනස් කර ඇති බවත් ශ්‍රී ලංකා විදුලි සංදේශ කොමිසමට දැනුම් දීමක් නොකරම නෙළුම් කුලුන ඉදි කිරීමේ ව්‍යාපෘතියෙන් ඉවත්ව ඇති බවත් චීනයේ ශ්‍රී ලංකා තානාපති ආචාර්ය කරුණාසේන කොඩිතුවක්කු මහතා නිවේදනයක් නිකුත් කරමින් පවසයි. නෙළුම් කුලුන ඉදිකිරීම සම්බන්ධයෙන් අත්සන් කරන ලද ව්‍යාපෘතියට චීන සමාගම් දෙකක් අත්සන් තැබූ බවත් චයිනා නැෂනල් ඉලෙක්ට්‍රොනික්ස් ඉම්පෝටර්ස් සහ එක්පෝටර්ස් කෝපරේෂන් (සී.ඊ.අයි.ඊ.සී) ඉන් එක් සමාගක් බවත් අනෙක් සමාගම ඒරෝස්පේස් ලෝන්ග් මාච් ඉන්ටර්නැෂනල් ට්‍රේඩ් සමාගම (ඇලිට්) බවත් තානාපති ආචාර්ය කරුණාසේන කොඩිතුවක්කු මහතා නිකුත් කළ එම නිවේදනයේ දැක්වේ. නෙළුම් කුලුන ඉදි කිරීම සඳහා ත්‍රෛපාර්ශවීය ගිවිසුමකට අත්සන් තැබූ බවත් ඉන් එක් සමාගමක් පිළිබඳ කිසිදු තොරතුරක් නැති බවත් කු
ජනපති අපේක්ෂක ගෝඨාභය වෙනුවෙන් ඇප තැන්පත් කරයි

ජනපති අපේක්ෂක ගෝඨාභය වෙනුවෙන් ඇප තැන්පත් කරයි

ශ්‍රී ලංකා පොදු ජන පෙරමුණු ජනාධිපති අපේක්ෂක ගෝඨාභය රාජපක්ෂ මහතා වෙනුවෙන්  අද මැතිවරණ කොමිෂන්  සභාවේදී  ඇප මුදල් තැන්පත් කිරීම සිදුකෙරුණා. ශ්‍රී ලංකා පොදුජන පෙරමුණේ ලේකම්  සාගර කාරියවසම් මහතා  විසින් මෙම ඇප තැන්පත් කිරීම සිදු කරනු ලැබූ බවයි එම පක්ෂය සදහන් කළේ.
සුදූ වෑන් රථයකින් පැහැරගත් දෙදරු පියා සොයාගනී/ සැක 3ක් අල්ලයි

සුදූ වෑන් රථයකින් පැහැරගත් දෙදරු පියා සොයාගනී/ සැක 3ක් අල්ලයි

මාතර බෙරලපනාතර නගරයේදී සුදු වෑන් රථ දෙකකින් පැමිණි පිරිසක් විසින් පැහැර ගැනීමට ලක්වූ ප්‍රදීප් සුරංග එදිරිසිංහ නම් 45 හැවිරිදි දෙදරු පියා අතුරුගිරිය ප්‍රදේශයේදී අතහැර දමා ගොස් සිටියදී සොයාගෙන තිඛෙනවා. නිවේදනයක් නිකුත් කරමින් පොලිස් මාධ්‍ය ඒකකය සදහන් කළේ මෙම පැහැර ගැනීමට සම්බන්ධ සැකකරුවන් තිදෙනෙකු සහ එයට භාවිතා කළ වෑන් රථ දෙකින් එකක් ද පොලිස් අත් අඩංගුවට ගැනීමට සමත්ව ඇති බවයි. ඊට යොදාගත් වෑන් රථය කුලී පදනම මත ලබාගත් එකක් බව මේ වන විට හෙළිවී තිඛෙනවා. මෙසේ පැහැරගැනීමට ලක්ව සිටි දෙව්ලියද්ද පාර , බෙරලපනාතර ලිපිනයේ පදිංචි ප්‍රදීප් සුරංග එදිරිසිංහ බෙරලපනාතර ප්‍රදේශයේ විවිධ සේවා සමූපාකාර සමිතියේ අධ්‍යක්ෂ මණ්ඩලයෙහි නිලධාරියෙකු ලෙස කටයුතු කරන අතර වැල්ලවත්ත ප්‍රදේශයේ ඉඩමක් සම්බන්ධ ගැටළුවක් මේ සදහා මුල්ව ඇති බවටයි සැක කෙරෙන්නේ. ඔහු සිය දරුවන් දෙදෙ
ඇල්පිටිය ජන්දය කල් දමන්න ඉල්ලූ පෙත්සම කල් යයි

ඇල්පිටිය ජන්දය කල් දමන්න ඉල්ලූ පෙත්සම කල් යයි

ඇල්පිටිය ප්‍රාදේශීය සභා ඡන්ද විමසීම පැවැත්වීම තහනම් කිරීමේ නියෝගයක් නිකුත් කරන මෙන් ඉල්ලා ගොනු කළ මූලික අයිතිවාසිකම් පෙත්සම ලබන 24 වනදා කැදවීමට ශ්‍රේෂ්ඨාධිකරණය අද නියෝග කළා. බුවනෙක අලුවිහාරේ, මුර්දූ ප්‍රනාන්දු සහ එස්. තුරෙයිරාජා යන මහත්ම මහත්මීන් ගෙන් සමන්විත ත්‍රිපුද්ගල විනිසුරු මඩුල්ලක් හමුවේදීයි පෙත්සම කැදවනු ලැබුවේ. එහිදී වගඋත්තර පාර්ශවයේ නීතිඥවරුන් අධිකරණයට දන්වා සිටියේ මෙම පෙත්සමට අදාළ නොතිසී තමන් වෙත නිසි පරිදි ලැබි  නොමැති බවයි. ඒ අනුව වගඋත්තරකරුවන්ට අවශ්‍ය ලේඛන ලබාදෙන මෙන් පෙත්සම්කරුවන්ට  දැනුම් දුන් ත්‍රිපුද්ගල විනිසුරු මඩුල්ල පෙත්සම සලකා බැලීම ලබන 24 වනදා සිදුකරන බව නියම කළා.
තැපල් ජන්දයට අයදුම් කිරීමට අද සිට අවස්ථාව

තැපල් ජන්දයට අයදුම් කිරීමට අද සිට අවස්ථාව

ජනාධිපතිවරණය සදහා අද (19) සිට තැපැල් ඡන්දයට ඉල්ලුම් කළ හැකි බව මැතිවරණ කොමිසම ප‍්‍රකාශ කළා. ලබන 30 වනදා තෙක් ඒ සදහා අවස්ථාව ලබාදී තිබෙනවා. මෙවර තැපැල් ඡන්ද නාමලේඛනය පොත් වශයෙන් ප‍්‍රදර්ශනය නොකිරිමටයි තීරණය වී තිබෙන්නේ. ග‍්‍රාමනිලධාරී , ප‍්‍රාදේශීය ලේකම් සහ දිස්ත‍්‍රික් ලේකම් කාර්යාලවලින් එම තොරතුරු ලබාගැනීමේ හැකියාවත් පවතිනවා. මේවන විටත් චක‍්‍රලේඛ දෙකක් නිකුත් කර ඇති බවයි කොමිසම පවසන්නේ. ඒ රාජ්‍ය සම්පත් අවභාවිතය , රාජ්‍ය ආයතන උසස්වීම් හා ස්ථාන මාරුවීම් ඇතුලු කරුණු සම්බන්ධයෙන්. ජනාධිපතිවරණය සදහා ස්වාධීන අපේක්ෂකයන් දෙදෙනෙකු ඇප තැන්පත් කර තිබෙනවා. දිස්ත‍්‍රික් තේරිම් භාර නිලධාරින් , නියෝජ්‍ය සහ සහකාර කොමසාරිස්වරුන් සමඟ විශේෂ සාකච්ඡාවක් හෙට (20) පැවැත්වෙන්නේ මැතිවරණ කොමිසමේද
ජනපතිවරණය නොවැම්බර් 16 – ගැසට් නිවේදනය එයි

ජනපතිවරණය නොවැම්බර් 16 – ගැසට් නිවේදනය එයි

ජනාධිපතිවරණය ප්‍රකාශයට පත්කරමින් මැතිවරණ කොමිසන් සභාව අද (18) රාත්‍රීයේ අති විශේෂ ගැසට් නිවේදනයක් නිකුත් කිරීමට නියමිතව තිඛෙනවා. එම ගැසට් නිවේදනයට අනුව ජනාධිපතිවරණයේ ඡන්ද විමසීම නොවැම්බර් මස 16 වැනි සෙනසුරාදා පැවැත්වීමට නියමිත අතර නාමයෝජනා බාර ගැනීම ඔක්තෝම්බර් 7 වැනිදා ආරම්භවීමට නියමිතයි.
ජාතික අක්ෂි රෝහලේ මකුණු උවදුරකින් රෝගීන්ට අපහසුතා

ජාතික අක්ෂි රෝහලේ මකුණු උවදුරකින් රෝගීන්ට අපහසුතා

අක්ෂි රෝගීන් විශාල ප්‍රමාණයකට ප්‍රතිකාර සලසන කොලඹ ජාතික අක්ෂි රෝහල තුල මකුණන් බෝවීම හේතුවෙන් නේවාසික රෝගීන් දැඩි අපහසුතාවයට පත්ව සිටින බව වාර්තාවනවා. මේ වන විටත් එහි වාට්ටු රැසකම ඇදන් තුල මකුණන් බෝවීම හේතුවෙන් ඇදන් තිබියදී පවා රෝගීන් බිම වැතිර සිටින ආකාරයද තමන් දුටු බවයි අප වාර්තාකරු සදහන් කළේ. එසේ බිම වැතිර සිටියදී පවා මකුණු ප්‍රහාරයන්ට ලක්වන තරම් මෙය ව්‍යාප්තවී ඇති අතර ඊට මෙතෙක් කිසිදු පිළියමක් යොදවා නැහැ. ඇසේ සුද මතුවීම ඇතුලු සැත්කම් සදහා මුහුණදුන් රෝගීන් රැසක්ම මේ හේතුවෙන් පීඩාවට පත්ව සිටින අතර ඊට කඩිනම් පිළියමක් ලබාදෙන ලෙසයි ඔවුන් බලධාරීන්ගෙන් ඉල්ලීමක් කරන්නේ.
ගෑස් අඩු වෙයි / කිරි පිටි වැඩි වෙයි

ගෑස් අඩු වෙයි / කිරි පිටි වැඩි වෙයි

ගෘහස්ත කිලෝ ග්‍රෑම් 12.5 ගෑස් සිලින්ඩරයක මිල පහළ දැමීමටත් ආනයනික කිරිපිටි ග්‍රෑම් 400 පැකට්ටුවක මිල ඉහළ නැංවීමටත් ජීවන වියදම් කමිටුවේ අනුමැතිය හිමිව තිඛෙනවා. ඒ අනුව ගෘහස්ත කිලෝ ග්‍රෑම් 12.5 ගෑස් සිලින්ඩරයක මිල රුපියල් 250කින් පහළ දැමිමට නියමිත අතර ආනයනික කිරිපිටි ග්‍රෑම් 400 පැකට්ටුවක මිල රුපියල් 20කින් ඉහළ නැංවීමට නියමිත බව සදහන්.
ඉන්ධන මිලදී ගන්න දිගු කාලීන කොන්ත්‍රාත්තුවක්

ඉන්ධන මිලදී ගන්න දිගු කාලීන කොන්ත්‍රාත්තුවක්

2019 ඔක්තෝබර් මස 01 දා සිට 2020 මැයි 31 දා දක්වා ඩීසල්, ජෙට් ඒ - 1 හා පෙට්‍රල් බැරල් මිලියන 3.22ක් ආනයනය කිරිම සඳහා දිගුකාලීන කොන්ත්‍රාත්තුවකට යෑමට කැබිනට් අනුමැතිය හිමිව තිඛෙනවා. ඒ අනුව මාස 8ක කාලයක් සඳහා ඩීසල් බැරල් මිලියන 1.04ක් හා ජෙට් ඒ - 1 බැරල් මිලියන 1.28ක් ආයනයන කිරීම සඳහා කොන්ත්‍රාත්තුව එක්සත් අරාබි එමීර් රාජ්‍යයේ M/s Mena Energy DMCC වෙතින් හා පෙට්‍රල් බැරල් 900000 ක් සිංගප්පූරුවේ M/S Vitol Asia pte Ltd සමාගමෙන් මිලදී ගැනීමට නියමිත බවයි වාර්තාවන්නේ. අමාත්‍ය මණ්ඩලය විසින් පත් කරන ලද විශේෂ ස්ථාවර ප්‍රසම්පාදන කමිටුවේ නිර්දේශය අනුව ඉහත සමාගම් දෙක සඳහා කොන්ත්‍රාත් පිරිනමා තිඛෙනවා. මේ සඳහා වන කැබිනට් පත්‍රිකාව ඛනිජ තෙල් සම්පත් සංවර්ධන අමාත්‍ය කබීර් හෂීම් මහතා ඉදිරිපත් කර ඇති බව සදහන්.
නෙළුම් කුළුණේ චෝදනාවට හිටපු ජනපතිගෙන් පිළිතුරු

නෙළුම් කුළුණේ චෝදනාවට හිටපු ජනපතිගෙන් පිළිතුරු

නෙළුම් කුළුණ විවෘත කළ අවස්ථාවේ ජනාධිපතිවරයා සිදුකළ ඩොලර් බිලියන 2ක චෝදනාව සම්බන්ධයෙන් විපක්ෂනායක මහින්ද රාජපක්ෂ මහතා කරුණු පැහැදිලි කර තිඛෙනවා. මේ එම සම්පූර්ණ නිවේදනයයි. “කොළඹ නෙලුම් කුලුණ විවෘත කිරීමේ උත්සවයේදී කතා කරමින්, එම ව්‍යාපෘතියේ  කොන්ත්‍රාත්කරුවෙකු වූ චීනයේ ‘ඒලිට්’ නැමති සමාගමක් ලංකාවේ විදුලි සංදේශ නියාමන කොමිසමෙන් දුන් රුපියල් බිලියන දෙකක (ඒ කාලයේ හැටියට ඇමරිකානු ඩොලර් මිලියන 15ක) අත්තිකාරම් මුදල රැගෙන අතුරුදහන් වූ බවට ආන්දෝලනාත්මක ප්‍රකාශයක් ජනාධිපතිවරයා සිදු කළේය. චීනයේ සිටින අපේ වත්මන් තානාපතිවරයා මෙකී‘ඒලිට්’ සමාගමේ ලිපිනය සඳහන් ස්ථානයට ගොස් බැලූ විට ඒ ලිපිනයේ එවන් සමාගමක් නැති බවට අනාවරණය කරගත් බවත් ජනාධිපතිවරයා කියා සිටියේය. මේ චෝදනාව රොයිටර්ස් ඇතුළු  විදේශීය ප්‍රවෘත්ති සේවාවන් විසින් සැනෙකින් මුළු  ලෝකය පුරාම ප්‍රචාරය කිරීම හේතුවෙන්,
කිළිනොච්චියේදී පවුලක් ඛේරාගත් විරුවන් අගයයි

කිළිනොච්චියේදී පවුලක් ඛේරාගත් විරුවන් අගයයි

කිලිනොච්චිය අරසපුරකුලම් වැවේ දිය නෑමට ගොස් මඩ වලක එරී ගිලෙමින් සිටි මව පියා සහ සහ දරුවන් දෙදෙනා බේරාගත් යුද හමුදා සෙබලුන් දෙදෙනා කිලිනොච්චිය ආරක්ෂක සේනා ආඥාපති මේජර් ජෙනරල් විජිත රවිප්‍රිය මහතා විසින් ඇගයීමට ලක් කර තිඛෙනවා. පසුගිය 07 (සැප්තම්බර්) වනදා අරසපුර කුලම්හි දිය නෑමට ගියමවක හා දරුවන් දෙදනකු මඩ වලක එරී ගිලෙමින් සිටියදී යුද හමුදා කඳවුරේ සේවය කරමින් සිටි  පස්වන යාන්ත්‍රික පාබල රෙජිමේන්තු යුධ හමුදා සෙබලුන් වන 100258 ලාන්ස් කෝප්‍රල් ටි.ජි.ජේ.පි.ආරියරත්න හා 100232 ලාන්ස් කෝප්‍රල් ඩි.ජි.එස් අමරසිරි යන දෙදෙනා එම අවස්ථාවේදීම වැවට බැස ඔවුන් බේරාගෙන රෝහල්ගත කර තිබුණා. ඔවුන් මේ වන විට එම පවුල යාපනය ශික්ෂණ රෝහලේ ප්‍රතිකාර ලබමින් පසුවනවා. මේ අනුව ජීවිතය පරදුවට තබමින් දමිළ පුවලක්ම බේරාගත් මෙම වීරෝධාර සෙබලුන් දෙදෙනාම කිලිනොච්චිය ආරක්ෂක සේනා මූලස්ථානයට කැඳ
ඉරණතිව් දූපතේ යළි පදිංචිවූවන් අර්බුධයක

ඉරණතිව් දූපතේ යළි පදිංචිවූවන් අර්බුධයක

යුධ සමයේදී ජීවිත ආරක්ෂාව සඳහා කිලිනොච්චිය ඉරණතිව් දූපතෙන් ඉවත් වී වසර 27 කට පසුව නැවත පදිංචියට පැමිණ සිටින පවුල් 157 කට අයත් 300 ක් පමණ දෙනා වෙනුවෙන් මේ වන විට කිසිදු පහසුකමක් නොමැති බවට එම වැසියන් පවසනවා. ගෙවුනු සතියක කාලය තුලදී ඉරණතිව් දූපතේ මුල් පදිංචි කරුවන් 300 ක් පමණ දෙනා තාවකාලකව කූඩාරම් ඉදිකරගනිමින් එහි නැවත පදිංචි වී ඇතත් ආහාර, ජලය, ඇතුලු යටිතල පහසුකම් කිසිවක් ඉරණතිව් දූපතේ නොමැති බවයි ඔවුන් පෙන්වා දෙන්නේ. යුද්දය හේතුවෙන් 1992 වසරේදී ඉරණතිව් දූපතේ පදිංචිව සිටි පවුල් 178 ක් පමණ ජීවිත ආරක්ෂාව වෙනුවෙන් ඉවත් වූ අතර පසුව කොටි සංවිධානය පලවා හැර නාවික හමුදාව විසින් ඉරණතිව් දූපත අත්පත් කරගැනීමෙන් පසුව පසුගිය 2018 වසරේදී දූපතේ භූමිය පරික්ෂා කොට නැවත සාමාන්‍ය වැසියන් වෙනුවෙන් නිදහස් කිරීමට පියවර ගනු ලැබුවා. වර්ගකිලෝමීටර් 6 ක පමණ භූමියකින් යුතු ඉරණතිව් දූපත සින්න ඉරණතිව් හා පෙරිය ඉ
හිස්බුල්ලා හා පුත්‍රයා යළි කෝප් කමිටුවට කැදවයි

හිස්බුල්ලා හා පුත්‍රයා යළි කෝප් කමිටුවට කැදවයි

නැගෙනහිර හිටපු ආණ්ඩුකාර එම්.එල්.ඒ.එම්.හිස්බුල්ලා සහ ඔහුගේ පුත්‍රයා වන අහමඩ් හිරාස් හිස්බුල්ලාට කෝප් කමිටුව හමුවේ ඔක්තෝම්බර් 9 වනදා යළි පෙනී සිටින ලෙස දැනුම්දී තිඛෙනවා. ඒ පාර්ලිමේන්තුවේ පොදු ව්‍යාපාර පිළිබඳ කාරක සභාව (කෝප් කමිටුව) හමුවට ඊයේ (17දා) කැඳවා තිබුණද ඔවුන් එම අවස්ථාවට නොපැමිණීම හේතුවෙනුයි. මොවුන් දෙදෙනා විදෙස්ගතවී සිටින බවට කෝප් කමිටුවට දන්වා තිබෙන බවත්, සත්‍ය වශයෙන් ඔවුන් විදෙස්ගතව සිටින්නේද කියා සොයාබලා වාර්තාවක් සකසන බවත් කමිටුවේ සභාපති සුනිල් හදුන්නෙත්ති මහතා කියා සිටියා. බැටිකලෝ කැම්පස් ආයතනය හා හීරා පදනම ආශ්‍රිතව සිදුව ඇති මුදල් ගණුදෙනු  සම්බන්ධව කරුණු විමසීම සඳහා කෝප් කමිටුව හමුවට එම්.එල්.ඒ.එම්.හිස්බුල්ලා සහ ඔහුගේ පුත්‍රයා වන අහමඩ් හිරාස් හිස්බුල්ලා ඊයේ කැදවා තිබුණා.
ඇතැමුන් අර්බුධ මවන්න උත්සාහ කරනවා / එජාප මහලේකම්

ඇතැමුන් අර්බුධ මවන්න උත්සාහ කරනවා / එජාප මහලේකම්

එළඹෙන ජනාධිපතිවරණය සදහා තෝරාගනු ලබන අපේක්ෂකයා සම්බන්ධයෙන් එක්සත් ජාතික පක්ෂය හා ඒ සමග සන්ධාන ගතවන සෙසු පක්ෂ තුළ අර්බුදයක් ඇතැයි මවා පෑමට ඇතැම් පාර්ශ්ව සංවිධානාත්මකව කටයුතු කරමින් සිටින බව එක්සත් ජාතික පක්ෂ මහ ලේකම් ,අමාත්‍ය අකිල විරාජ් කාරියවසම් මහතා විශේෂ නිවේදනයක් නිකුත් කරමින් පවසනවා. එක්සත් ජාතික පක්ෂය ඉදිරි ජනාධිපතිවරණය සදහා ඉදිරිපත් වන්නේ පුලුල් සන්ධානයකිනි. එම සන්ධානය පිහිටුවීම පිළිබද මේ වනවිට අවසන් එකගතාවට පැමිණ ඇති බව අමාත්‍ය අකිල විරාජ් කාරියවසම් මහතා පෙන්වා දෙනවා. මෙම එකගතාවන්ට අනුව අපේක්ෂකයා ඉදිරිපත් කෙරෙනුයේ එක්සත් ජාතික පක්ෂයෙන් එම පදනම මත එක්සත් ජාතික පක්ෂය මගින් සුදුසු අපේක්ෂකයා තෝරා පත්කර ගැනීමට කටයුතු කෙරෙන බවයි අමාත්‍ය අකිල විරාජ් කාරියවසම් මහතා එම නිවේදනයෙන් පෙන්වාදී ඇත්තේ. ප්‍රජාතන්ත්‍රවාදී සම්මතයන් හා සම්ප්‍රදායන් ආරක්ෂා කරම
අපේක්ෂකයා සජිත් බව ස්ථිරයි / අශෝක් අඛේසිංහ – Audio

අපේක්ෂකයා සජිත් බව ස්ථිරයි / අශෝක් අඛේසිංහ – Audio

ඉදිරි ජනාධිපතිවරණය සදහා පිහිටුවන නව සන්ධානයේ ජනපති අපේක්ෂකත්වය ස්ථිර වශයෙන්ම අමාත්‍ය සජිත් ප්‍රේමදාස මහතාට හිමිවන බව නියෝජ්‍ය අමාත්‍ය අශෝක් අඛේසිංහ මහතා පවසනවා. අද මාධ්‍ය වෙත අදහස් දක්වමින් ඔහු මේ බව කියා සිටියා.
ඇල්පිටිය ජන්දය කල් දමන්න ඉල්ලා පෙත්සමක්

ඇල්පිටිය ජන්දය කල් දමන්න ඉල්ලා පෙත්සමක්

ඇල්පිටිය ප්‍රාදේශීය සභා මැතිවරණය පැවැත්වීමට ගෙන ඇති තීරණය අවලංගු කරන ලෙස ඉල්ලා ඇල්පිටිය ප්‍රදේශවාසීන් 3න් දෙනකු ශ්‍රේෂ්ඨාධිකරණයට අද මූලික අයිතිවාසිකම් පෙත්සමක් ගොනු කර තිඛෙනවා. ඒ  2017 වසරේ ඡන්ද අපේක්ෂක නාම ලේඛනය යටතේ අදාළ මැතිවරණය නොපවත්වන ලෙස ඉල්ලමින්. ඇල්පිටිය ප්‍රාදේශීය සභාවට නව නියෝජිතයින් තෝරා පත් කර ගැනීම සඳහා වහාම මැතිවරණයක් පවත්වන ලෙසට පසුගිය 30 වන දා ශ්‍රේෂ්ඨාධිකරණය විසින් කරන ලද නියෝගය අනුව ලබන ඔක්තෝබර් 11 වන දා එම ඡන්දය පැවැත්වීමට නියමිත බවයි පෙත්සම්කරුවන් සදහන් කර ඇත්තේ. පෙත්සම්කරුවන් වැඩිදුරටත් පෙන්වා දුන්නේ, මැතිවරණ කොමිෂන් සභාව එලෙස ඇල්පිටිය ප්‍රාදේශීය සභා මැතිවරණය පැවැත්වීමට තීරණය කර ඇත්තේ එම කොමිෂන් සභාව රැස්වීමකින් තොරව බැවින් මැතිවරණය ප්‍රකාශයට පත් කරමින් පසුගිය 2 වන දා මැතිවරණ කොමිෂන් සභාවේ සභාපතිවරයා විසින් නිකුත් කළ
නෙළුම් කුළුණ ගැන ජනපතිගේ කතාවට කොමිසමක් ඉල්ලයි

නෙළුම් කුළුණ ගැන ජනපතිගේ කතාවට කොමිසමක් ඉල්ලයි

නෙළුම් කුලුණ ව්‍යාපෘතිය ඉදිකිරිමේ දී රුපියල් මිලියන 200 ක් වංචාවක් සිදුවී ඇති බවට ජනාධිපති කළ ප්‍රකාශය ඒ මහතා නොමඟ යැවීමට කවුරුන් හෝ කළ කුමන්ත්‍රණයක් දැයි සැකයක් මතුව ඇති බැවින් ඒ ගැන සොයා බලා ස්වාධීන ජනාධිපති කොමිසමක් පත්කරන්නැයි ජනාධිපතිවරයාගෙන් ඉල්ලා සිටින බව පාර්ලිමේන්තු මන්ත්‍රී බන්දුල ගුණවර්ධන මහතා පවසනවා. මෙම බරපතල ප්‍රකාශය හේතුවෙන් ශ්‍රී ලංකාව හා චීන රජයේ අභිමානයට බලවත් කැළලක් සිදුව ඇති හෙයින් චීන රජයෙන්ද ඊට පැහැදිලි කිරීමක් අපේක්ෂා කරන බවයි ඔහු කියා සිටියේ. විපක්ෂ නායක මහින්ද රාජපක්ෂ මහතා විසින් මේ සම්බන්ධයෙන් අද විශේෂ නිවේදනයක් නිකුත් කිරිමට නියමිත බවද කී මන්ත්‍රීවරයා විදුලි සංදේශ නියාමන කොමිසමේ එවකට අධ්‍යක්ෂ ජනරාල් ලෙස කටයුතු කළ අනුෂ පැල්පිට මහතා සිය මුහුණු පොතේ සටහනක් තබමින් මේ පිළිබඳ සැබෑ තත්ත්වය හෙළිකර ඇතැයි ද අනාවරණ
සටනට එනවානම් හැමෝගෙම කැමැත්තෙන් / කතානායක කියයි

සටනට එනවානම් හැමෝගෙම කැමැත්තෙන් / කතානායක කියයි

ජනාධිපතිවරණයට ඉදිරිපත් වන ලෙස ලැබී ඇති ඉල්ලීම් තමා පිළිගන්නේ නම් ඒ විධායක ජනාධිපතිධූරය අහෝසි කිරීමේ අරමුණින් පමණක් බව කතානායක කරු ජයසූරිය මහතා නිවේදනයකින් නිකුත් කරමින් පවසනවා. එමෙන්ම තමා ජනාධිපතිවරණයට ඉදිරිපත් වන්නේ නම් ඒ එක්සත් ජාතික පෙරමුණේ සියලුදෙනාගේ ආශීර්වාදය ඇතිව පමණක් බවයි කතානායකවරයා සදහන් කරන්නේ.
නෙළුම් කුළුණේ බිලියන 2ක කතාවට අනූෂ පැල්පිටගෙන් පිළිතුරු

නෙළුම් කුළුණේ බිලියන 2ක කතාවට අනූෂ පැල්පිටගෙන් පිළිතුරු

නෙලුම් කුලුන ඉදිකරීමේදී මුලින් ගෙවූ රුපියල් බිලියන 2ක අත්කාරම් මුදලට හෝ එය ගෙවූ සමාගමට සිදුවු දෙයක් නොමැති බවට ජනාධිපතිවරයා සිදුකළ ප්‍රකාශය සම්බන්ධයෙන් ශ්‍රී ලංකා විදුලි සංදේශ නියාමන කොමිෂන් සභාවේ හිටපු අධ්‍යක්ෂ ජනරාල්වරයෙක් වන අනූෂ පැල්පිට මහතා කරුණු පැහැදිලි කිරීමක් සිදුකර තිඛෙනවා. ඔහු සිය ෆේස්බුක් ගිණුමට සටහනක් තබමින් මේ බව ප්‍රකාශ කළා. “නෙලුම් කුලුන විවෘත කිරීමේදී ජනාධිපතිතුමා විසින් බිලියන 2 ක අත්තිකාරම් මුදලක් ALIT සමාගමකට ගෙවා ඇතත් එවැනි සමාගමක් චීනයේ නොමැතිබව නිවැරදි තොරතුරු ලබා ගැනීමකින් තොරව ප්‍රකාශ කර ඇති බව පැහැදිලි වේ. නෙලුම් කුලුන ඉදිකිරීම සඳහා විදුලි සංදේශ නියාමන කොමිෂන් සභාව සමග චීන සමාගම් දෙකක් ඒකාබද්ධ වී කටයුතු කරන ලදී.  එම සමාගම් දෙක වන China national electronics import and export corporation (CEIEC) සහ aerospace long march internati