Friday, September 20News That Matters

විදෙස්

ගැහුවොත් ගහනවා/ එතකොට ලෝක යුද්ධයක් – ඉරානය

ගැහුවොත් ගහනවා/ එතකොට ලෝක යුද්ධයක් – ඉරානය

සෞදිය හෝ ඇමෙරිකාව තම රටට එරෙහිව පහරදුනහොත් ඊට ප්‍රතිප්‍රහාර එල්ල කිරීමට තමන් සූදානම් බව ඉරාන ජනාධිපති හසන් රොව්හානී පවසනවා. එවන් තත්ත්වයක් මතුවුවහොත් එය ලෝක යුද්ධයක් දක්වා දුරදිග යනු ඇති බවයි ඉරාන ජනපති පවසන්නේ. කෙසේ වෙතත් මේ දක්වාම යුද්ධයකට යාමේ උවමනාවක් ඉරානයට නැතැයිද ඔහු පැවසුවා. සෞදිය, ඇමෙරිකාව සහ ඉරානය අතර යුද උණුසුමක් මේ වනවිට නිර්මාණය වී ඇත්තේ, මීට සතියකට පෙර සෞදියේ තෙල් ගබඩා සංකීර්ණ දෙකකට එල්ල වුණු නියමුවන් රහිත ඩ්‍රෝන යානා ප්‍රහාරය හේතුවෙනුයි. යේමනයේ හවුති ෂියා මුස්ලිම් සටන්කාමීන් එහි වගකීම භාරගත්තද අදාළ ආයුධ ඉරානයට අයත් බව ප්‍රකාශ වනවා.
ඊශ්‍රායල අගමැතිට ජන්දයෙන් බහුතරය අහිමි වෙයි

ඊශ්‍රායල අගමැතිට ජන්දයෙන් බහුතරය අහිමි වෙයි

ඊශ්‍රායල මහ මැතිවරණයෙන් බහුතර ආසන සංඛ්‍යාවක් හිමිකර ගැනීමට එරට අගමැති ඛෙන්ජමින් නෙතන්යාහුගේ පාල පක්ෂය අසමත්ව තිඛෙනවා. ඒ අනුව ආසන 120න් එම පක්ෂයට හිමිව ඇත්තේ ආසන 55ක් පමණයි. ඊශ්‍රායලයේ මධ්‍ය වාම සන්ධානයට ආසන 56ක් හිමිව තිඛෙනවා. ඒ අනුව රජයක් පිහිටුවීම සදහා වන ආසන 61ක බහුතරය ප්‍රධාන පක්ෂ 2ටම හිමිව නැහැ. මේ අතර ඉතිරි ආසන 9 හිමිකරගත් ඊශ්‍රායෙල් ඛෙයිතේනූ පක්ෂය එරට රජුන් තනන පක්ෂය බවට පත්වන බවයි ජාත්‍යන්තර මාධ්‍ය වාර්තා කරන්නේ. එම පක්ෂයේ සහාය හිමිවන කණ්ඩායමට ඊශ්‍රායලයේ නව ආණ්ඩුව බිහි කිරීමේ හැකියාව ලැබීමට නියමිතයි.
උතුරු අර්ධගෝලයේ ගිම්හානය අවසන් වන ලකුණු

උතුරු අර්ධගෝලයේ ගිම්හානය අවසන් වන ලකුණු

1880 වසරට පසුව උතුරු අර්ධගෝලයට බලපෑ උණුසුම්ම ගිම්හානය අවසන් වෙමින් පවතින බව ඇමෙරිකා ජාතික සාගර හා වායුගෝලීය පරිපාලන අධිකාරිය පවසනවා. විසිවන සියවසේ පැවති අගයට වඩා මේ වන විට සාමාන්‍ය උෂ්ණත්වය සෙල්සියස් අංශක එකයි දශම දහතුනකින් ඉහළ ගොස් ඇති බවයි එම අධිකාරිය පවසන්නේ. එම උණුසුම් කාලගුණ තත්ත්වයත් සමග පැසිපික් සාගර කලාපයට එල්නිනෝ තත්ත්වයන්ගෙන් බලපෑමක් වී නැහැ. මීට අමතරව ආක්ටික් කලාපයේ උණුසුමද වාර්තාගත ලෙස ඉහළයාම දැකගත හැකි බවයි එම අධිකාරිය පෙන්වා දෙන්නේ.
හොංකොං විරෝධතාකරුවන් බ්‍රිතාන්‍ය ජාතික ගීය ගයයි

හොංකොං විරෝධතාකරුවන් බ්‍රිතාන්‍ය ජාතික ගීය ගයයි

හොංකොං හී බ්‍රිතාන්‍ය කොන්සල් කාර්යාලය ඉදිරිපිට එරට විරෝධතාකරුවන් පිරිසක් උද්ඝෝෂණයක නිරත වුණා. බ්‍රිතාන්‍ය ජාතික ගීය ගායනා කරමිනුයි ඔවුන් විරෝධතාව සිදු කළේ. හොංකොං රාජ්‍යයට චීනය සිදු කරන බලපෑම නතර කරන ලෙස බ්‍රිතාන්‍ය ඉල්ලා සිටිය යුතු බවයි ඔවුන් ප්‍රකාශ කළේ. බ්‍රිතාන්‍ය ධජ රැගෙන විරෝධතාකරුවන් උද්ඝෝෂණය සිදු කළා. හොංකොං රාජ්‍යය චීනයට පවරා දෙන විට ඉදිරිපත් කළ එක් රාජ්‍යයක් පාලනයන් දෙකක් ලෙස පැවති ක්‍රමය මේ වන විට අහෝසි වි ඇති බව උද්ඝෝෂකයින් චෝදනා කරනවා. උද්ඝෝෂණයට දහස් ගණනක් ජනතාව එක්ව සිටින ආකාරය විදෙස් මාධ්‍ය වාර්තා කළා.
හොංකොං ජනතාවගේ සටන දිනයි

හොංකොං ජනතාවගේ සටන දිනයි

හොංකොං ප්‍රධාන විධායක නිලධාරී කැරී ලැම්, ආන්දෝලනාත්මක උදර්පණ පනත් කෙටුම්පත ඉවත් කරගන්නා බව නිවේදනය කර තිඛෙනවා. එරට ප්‍රධාන නීතිවේදීන්, ආණ්ඩුවේ නියෝජිතයින් සහ චීන ජාතික ජනතා කොංග්‍රසය සමඟ පැවති සාකච්ඡාවකින් අනතුරුව ඇය මෙම තීරණය ගෙන ඇතැයි සදහන්. ආන්දෝලනාත්මක පනත් කෙටුම්ත සකස් කර ඇත්තේ දේශපාලන නඩු විභාග කිරීම, චීනයට පවරමින් එවැනි නඩුවලට පෙනී සිටින සැකකරුවන් චීනයට උදර්පණය කිරීමට අදාල යෝජනාවලින් කරුණු ඉදිරිපත් කර තිබුණා. ඊට එරෙහිව ජනතා විරෝධතා ආරම්භ වූයේ පසුගිය මාර්තු මස 31 වැනිදායි. ඊට එල්ල වූ දැඩි ජනතා විරෝධය හේතුවෙන් නීති කෙටුම්පත අත්හිටුවීමට නායිකා කැරී ලෑම් පියවර ගත්තේ ගතවූ ජූනි මාසයේදී වන අතර එය සම්පූර්ණයෙන්ම ඉවත් කර ගන්නා ලෙස බලකරමින් එරට ජනතාව වීථි බසිනු ලැබුවා.  
මා ඉල්ලා අස්වන්නේ නැහැ, හොංකොං නායිකා කැරී ලැම්

මා ඉල්ලා අස්වන්නේ නැහැ, හොංකොං නායිකා කැරී ලැම්

හොංකොං නායිකා කැරී ලැම් අද (03) දින ප්‍රකාශ කර සිටියේ හොංකොං නගරයේ දේශපාලන අර්බුදය අවසන් කිරීම සඳහා ඉල්ලා අස්වීමට ඉඩ දෙන ලෙස ඇය කිසි විටෙකත් චීන රජයෙන් ඉල්ලා නොසිටි බවයි. මා කිසි විටක ඉල්ලා අස්වන බවට ප්‍රකාශ කර නැහැ! කැරී ලැම් මහත්මිය අවධාරණය කර සිටියේ තමා කිසි විටක හොංකොං නගරයේ මතුව ඇති අර්බුදය සම්බන්ධයෙන් ගැලවී යාමට ඉල්ලා අස්වන බවට ප්‍රකාශ කර නොැමැති බවයි. ලැම් මේ බව ප්‍රකාශ කර සිටියේ හොංකොංහි මතුව ඇති දේශපාලනික අර්බුදකාරී වාතාවරණය තුළ තමා ඉල්ලා අස්වන්නේ යැයි බීජිං නගරයට ප්‍රකාශ කළේ යැයි මේදින වල පැතිර යන හඬපටයක් පිළිබඳ අදහස් දක්වමිනි. එමෙන්ම, පෞද්ගලික සංවාද මෙසේ පටිගත කොට ප්‍රචාරය පිළිබඳ තම අප්‍රසාදය ද ලැම් මහත්මිය ප්‍රකාශ කර සිටියාය. තමා තනතුරේ රැඳී සිටිය යුතුද නැත්ද යන තීරණය තමා පමණක් සතු දෙයක් බවත්, හොංකොං රජයට මතුව ඇති මෙම
ඩෝරියන් සුළි කුණාටුව ෆ්ලොරිඩා කළාපයට

ඩෝරියන් සුළි කුණාටුව ෆ්ලොරිඩා කළාපයට

ෆ්ලොරීඩා කළාපය ආශි‍්‍රතව ඩෝරියන් සුළි කුණාටුව වර්ධනය වී ඇතැයි විදෙස් වාර්තා ප‍්‍රකාශ කළා. පැයට කිලෝ මීටර් 165 ක වේගයෙන් සුළං ප‍්‍රවාහ හටගත හැකි බවටයි අපේක්ෂා කරන්නෙ. ආපදා තත්ත්වයන්ට මුහුණදීම සදහා අවශ්‍ය පියවර ගන්නා ලෙස ෆ්ලොරිඩා බලධාරින් දැනුවත් කර තිබෙනවා. මේ අතර ඩෝරියන් සුළි කුණාටුව හේතුවෙන් ඇමරිකා ජනාධිපති බැරැක් ඔබාමා සිය පෝලන්ත සංචාරය ද අවලංගු කළා. දෙවන ලෝක යුද්ධයේ සැමරුම් උත්සව වෙනුවෙන් ට‍්‍රම්ප් ජනාධිපතිවරයා පෝලන්තයේ සංචාරයක් සැලසුම් කර තිබූ බවයි ඇමරිකා මාධ්‍ය වාර්තා කළේ. එහෙත් සුලි කුණාටුවෙන් ඇතිවිය හැකි ආපදා තත්ත්වයන්ගෙන් ජනතාව බේරා ගැනීමේ කාර්යයට ප‍්‍රමුඛත්වය ලබාදිය යුතු බවයි ට‍්‍රම්ප් පෙන්වා දෙන්නෙ. උප ජනාධිපති මයික් පෙන්ස් පෝලන්ත සැමරුම් සදහා එක්වන බවද විදෙස් වාර්තාවල දැක්වෙනවා.
ඇමසන් විනාශයේ සැබෑ තත්ත්වය මෙන්න

ඇමසන් විනාශයේ සැබෑ තත්ත්වය මෙන්න

ඇමසන්වනාන්තරය ලොව තිබෙන විශාලතම වැසි වනාන්තරය ලෙස කාගෙත් පිළිගැනීමට ලක්වූයේ අනාදිමත් කාලයක සිටය. එහි විශාලත්වය වර්ග කිලෝමීටර් මිලියන 6.9 ක් ලෙස සැලකේ. ලොව වැඩිම ජල ඝනත්වයක් ඇති ගඟ වන ඇමසන්, ඇමසන් වනාන්තරය හරහා ගලා යන අතර අතු ගංගා 1,100 කින් හා සැතපුම් 1000 කට වඩා වැඩි දිගකින් යුතු ගංගා 17 කින් පෝෂණය වෙයි. ජල මට්ටම ඉහළ යන වඩදිය හට ගන්නා දිනවලදී ඇමසන් ගඟ දිනකට ජලය ඝන අඩි බිලියන 500 ක් පමණ අත්ලාන්තික් සාගරයට මුදා හරි. ඇමසන් වනය බ්‍රසීලය, බොලීවියාව,පේරු රාජ්‍ය, ඉක්වදෝරය, කොලොම්බියාව, වෙනිසියුලාව, ගුයනාව , සුරෙනේම් සහ ප්‍රංශ ගුයනාව නම් රටවල් 9 ට අයත් වන අතර වනාන්තරයෙන් 60% ක් අයත්වන්නේ බ්‍රසීලයටය. මේ හැරුණු කොට පේරු රාජ්‍යට 13% සහ කොලොම්බියාවට 10% ද වනාන්තරයෙන් අයත් වෙයි. සුළු ප්‍රමාණයක වන ගහනයක් .වෙනිසියුලාව, ඉක්වදෝරය, බොලීවියාව, ගුයනාව, සුරෙනේම් සහ ප්
දියවීගිය ග්ලැසියරයක් වෙනුවෙන් සිහිවටන ස්මාරකයක්

දියවීගිය ග්ලැසියරයක් වෙනුවෙන් සිහිවටන ස්මාරකයක්

කාලගුණ විපර්යාස හේතුවෙන් විනාශ වී ගිය ග්ලැසියරයක් වෙනුවෙන් අයිස්ලන්තය අනුස්මරණ ස්මාරකයක් නිර්මාණය කර තිබෙනවා. අයිස්ලන්තයේ බටහිර ප්‍රදේශයේ තිබූ ඕකේ නම් ග්ලැසියරය වෙනුවෙනුයි මෙම ස්මාරකය නිර්මාණය කර ඇත්තේ. ග්ලැසියරයක් වෙනුවෙන් ස්මාරකයක් ඉදිවන පළමු අවස්ථාව මෙයයි. එය ලෝකඩවලින් ඉදිකර තිබෙනවා. අනාගතයට ලිපියක් යන තේමාවෙන් එහි ග්ලැසියරය පිළිබඳ තොරතුරු සඳහන්.
සාම කතා නෑ / උතුරු කොරියාව කියයි

සාම කතා නෑ / උතුරු කොරියාව කියයි

දකුණු කොරියාව සමඟ තවදුරටත් සාකච්ඡා ප‍්‍රතික්ෂේප කරන බව උතුරු කොරියාව ප‍්‍රකාශ කළා. ඒ දකුණු කොරියාව ඇමරිකා එක්සත් ජනපදය සමඟ පැවැත්වෙන ඒකාබද්ධ යුද අභ්‍යාස වලට විරෝධතාව පළකරමින්. එය තම රට විනාශ කිරීමේ අරමුණින් සිදුකරන බවටයි උතුරු කොරියාව චෝදනා කරන්නේ. මේ අතර අද අලුයම් කාලයේදී උතුරු කොරියාව තවත් මිසයිල දෙකක් අත්හදා බැලූ බවයි විදෙස් මාධ්‍ය වාර්තා කළේ.මෙය මාසයක කාලයක් තුළ ඔවුන් සිදුකළ 6 වන මිසයිල අත්හදා බැලීමයි.
සුෂ්මා ස්වරාජ් අභාවප්‍රාප්ත වෙයි

සුෂ්මා ස්වරාජ් අභාවප්‍රාප්ත වෙයි

ඉන්දියාවේ හිටපු කැබිනට් අමාත්‍යවරියක හා භාරතීය ජනතා පක්‍ෂයේ නායිකාවක වූ සුෂ්මා ස්වරාජ් මහත්මිය නවදිල්ලියේ දී අභාවප්‍රාප්ත වුණා. 1999 දී දේශපාලනයට පිවිසි ස්වරාජ් මහත්මිය භාරතීය ජනතා පක්ෂය බලයේ සිටි ආණ්ඩු වල ජනමාධ්‍ය අමාත්‍ය පදවිය හා විදේශ කටයුතු ඇමැතිවරියක වශයෙන් ද කටයුතු කර තිඛෙනවා.ස්වරාජ් මහත්මිය නිල කටයුතු සඳහා කිහිපවතාවක් ශ්‍රී ලංකාවට ද පැමිණි අතර මිය යනවිට 67 වැනි වියෙහි පසුවුණා.ඇය වකුගඩු සැත්කමකට භාජනය වීම නිසා ක්‍රියාකාරී දේශපාලනයෙන් ඉවත්ව සිටි අතර හෘදයාබාධයක් හේතුවෙන් ඇය දිවියෙන් සමුගෙන තිබුණා.
බැංකොක් නුවර පිපිරීම් කිහිපයක්

බැංකොක් නුවර පිපිරීම් කිහිපයක්

තායිලන්තයේ බැංකොක් නුවර සුළු පිපිරීම් කිහිපයක් සිදුව තිඛෙනවා. ජාත්‍යන්තර ටයිම්ස් වෙබ් අඩවිය වාර්තා කළේ වෙළෙඳ සංකීර්ණයක් සහ ඒ ආසන්න ප්‍රදේශයකදී පිපිරීම් සිදුව ඇති බවයි. පිපිරීම්වලින් කාන්තාවන් දෙදෙනෙක් තුවාල ලබා ඇතැයි සදහන්. තායිලන්ත ජනාධිපති පුයුත් චාන් ඕචා ආරක්ෂක අංශවලට නියෝග කර ඇත්තේ ඒ සම්බන්ධයෙන් විධිමත් විමර්ශනයක් ක්‍රියාත්මක කරන ලෙසයි. ප්‍රහාරයේ වගකීම කවරකු විසින් හෝ භාරගෙන නැහැ.
අමෙරිකාවට තර්ජනය කළ බින්ලාඩන්ගේ පුතා මිය ගිහින්

අමෙරිකාවට තර්ජනය කළ බින්ලාඩන්ගේ පුතා මිය ගිහින්

අමෙරිකාව විසින් ඝාතනය කරනු ලැබූ ඔසාමා බින් ලාඩන්ගේ , පුත‍්‍රයා මියගොස් ඇති බව ඇමරිකා බුද්ධි අංශ හෙළිකර තිඛෙනවා. හම්සා බින් ලාඩන් පිළිබඳ තොරතුරු ලබාදෙන පුද්ගලයෙකුට ඇමරිකා ඩොලර් මිලියනයක ත්‍යාගයක් ලබාදෙන බවට මීට පෙර අමෙරිකාව විසින් ප‍්‍රකාශයට පත්කර තිබුණා. ඔහු පසුගිය කාලයේ ඇමරිකාව ඇතුළු රටවල් රැසකට ප‍්‍රහාර එල්ල කරන බවට හඩපට නිකුත් කර ඇති අතර ඒ අනුවයි ඔහු අමෙරිකාවට අත්‍යාවශ්‍ය ත්‍රස්ත සැකකරුවකු ලෙස නම් කරනු ලැබුවේ.
“තලාක්” දික්කසාදය ඉන්දියාවේදී තහනම්

“තලාක්” දික්කසාදය ඉන්දියාවේදී තහනම්

මුස්ලිම් ජාතිකයින්ගේ තුන්වරක් තලාක් යනුවෙන් පවසමින් දික්කසාදවීම ඉන්දීය පාර්ලිමේන්තුව මඟින් අපරාධමය වරදක් ලෙසට නම්කර තිබෙනවා. මුස්ලිම් නීතියට අනුව සැමියාට සිය බිරිඳ දික්කසාද කිරීමට අවශ්‍ය නම් තලාක් යනුවෙන් කෙටි පණිවුඩයක් හෝ විද්‍යුත් තැපෑල මඟින් තුන්වරක් සඳහන් කිරීමෙන් දික්කසාද විය හැකියි. ඉන්දියාවේ ජීවත්වන මුස්ලිම් කාන්තාවන්ගේ අයිතීන් සුරක්ෂිත කිරීම සඳහා මෙය අපරාධමය වරදක් බවට ප්‍රකාශයට පත්කළ බවයි ඉන්දීය පාර්ලිමේන්තුව සඳහන් කළේ. මෙම නීතිය උල්ලංඝනය කරන පුද්ගලයෙකුට වසර තුනක සිර දඩුවම් විදීමට ද සිදුවනවා. පාලක භාරතීය ජනතා පක්ෂය මේ සම්බන්ධයෙන් පනත් කෙටුම්පත ගෙන ආ අතර විපක්ෂය ඊට සිය විරෝධය පළකළා. කෙසේ වෙතත් එය සම්මත කර ගැනීමට අද දිනයේ හැකිවුණා.
අමෙරිකාවට පහරදිය හැකි මිසයිලයක් රුසියාව නිපදවයි

අමෙරිකාවට පහරදිය හැකි මිසයිලයක් රුසියාව නිපදවයි

රුසියාව බැලැස්ටික් මිසයිලයක් සාර්ථකව අත්හදාබලා තිබෙනවා. ටෝපෝල් එම් ලෙස හැදින්වෙන මෙය දිගු දුර න්‍යෂ්ටික මිසයිලයක් බවයි විදෙස් වාර්තා සඳහන් කරන්නේ. කිලෝ මීටර 2500ක් දුරින් පිහිටි ඉලක්කයකට එය එල්ල කර තිබෙනවා. 1980න් පසු රුසියාව මෙවැනි ප‍්‍රබල මිසයිලයක් සාර්ථකව අත්හදා බැලු පළමු අවස්ථාව ලෙසයි මෙය සැළකෙන්නේ. මෙම මිසයිලයට කිලෝමීටර 11,000 ක දුරක් තරණය කරමින් අමෙරිකාවේ ඔ්නෑම ස්ථානයකට පහරදීමේ හැකියාව පැවතීම විශේෂත්වයක්.
ගල්ෆ් මුහුදු කලාපයේ ආරක්ෂාවට ජාත්‍යන්තර බලකායක්

ගල්ෆ් මුහුදු කලාපයේ ආරක්ෂාවට ජාත්‍යන්තර බලකායක්

ගල්ෆ් කලාපයේ ආරක්ෂාව සම්බන්ධයෙන් වෙළඳ නෞකා ආරක්ෂක බළකායක් පිහිටුවීමට සැලසුම් කර තිබෙනවා. අමෙරිකානු රජය පවසන්නේ ඊට අදාළ සාකච්ජා මේ වන විට සිදුකරන බවයි. යුරෝපය විසින්ද ඒ සදහා සිය සහාය පල කර තිඛෙනවා. ඉරානයෙන් සහ මුහුදු මංකොල්ලකරුවන් ඇතුලු පාර්ශවයන්ගේ හානි වැලැක්වීම මෙහි අරමුණයි.
සඳට යන ඉන්දීය යානය අභ්‍යාවකාශගත කරයි

සඳට යන ඉන්දීය යානය අභ්‍යාවකාශගත කරයි

සඳ මතට යානයක් යොමුකළ 4වන රට බවට පත්වීම ඉන්දියාව සැලසුම් කළ චන්ද්‍රයාන් 2 යානය අද අභ්‍යාවකාශ ගත කෙරුණා. එය සාර්ථකව සිදුවූ බවයි ඉන්දීය අභ්‍යාවකාශ පර්යේෂණ සංවිධානය නිවේදනය කළේ. අද සිට දින 23ක කාලයක් පෘථවිය වටා ගමනේ නිරතවන මෙම යානය සැප්තැම්බර් මාසයේ අවසාන සමය තුල සඳ වෙත ගොඩබැස්වීමට නියමිතයි. එහි රෝවර් යානයක්ද ඇතුලත් වනවා. මීට පෙර චන්ද්‍රයාන් 1 යානය සඳ මත ගැටීමට සැලැස්වීමටයි ඉන්දියාව පියවර ගෙන තිබුණේ.
ජපන් චිත්‍රාගාර ගින්නේ සැකකරු හදුනා ගනී

ජපන් චිත්‍රාගාර ගින්නේ සැකකරු හදුනා ගනී

ජපානයේ චිත‍්‍රාගාර ගින්නට සම්බන්ධ ප‍්‍රධාන සැකකරු පිළිබද තොරතුරු අනාවරණ කර තිඛෙනවා. සැකකරු දැඩි පිළිස්සුම් තුවාල සහිතව රෝහල්ගතව ප‍්‍රතිකාර ලබන බවයි විදෙස් මාධ්‍ය වාර්තා කළේ. විෂ සහිත රසායනික ද්‍රව්‍යයක් සැකකරු චිත‍්‍රාගාරයට රැගෙන විත් ඇති බව හෙළිව ඇති අතර ගින්නට හසුවිමෙන් 33 දෙනෙකු ජිවිතක්ෂයට පත්වුණා. තුවාල ලැබූ ගණන 30 ක්. චිත‍්‍රාගාරයේ හිමිකරුවන් තම අදහස් සොරා ගැනීමට විරෝධය පළකිරිම අරමුණ වූ බවයි සැකකරු පවසා ඇත්තේ.
ඉන්ස්ටර්ග‍්‍රෑම් ගිණුම්වලින් ලයික් ඉවත් වෙයි

ඉන්ස්ටර්ග‍්‍රෑම් ගිණුම්වලින් ලයික් ඉවත් වෙයි

ඉන්ස්ටර්ග‍්‍රෑම් ගිණුම්වලින් ලයික් හෙවත් කැමැත්ත පළකිරීමේ අයිතමය සැගවීමට තීරණය කර තිබෙනවා. ඔස්ටෙ‍්‍රිලියාව, බ‍්‍රසීලය සහ තවත් රටවල් රැසක ගිණුම්වලින් එය සැගවීමට නියමිත බවයි සමාගම පවසන්නේ. ඉන්ස්ටර්ග‍්‍රෑම් හරහා හුවමාරු කරන සටහන්වලට ලැබිය යුතු ප‍්‍රතිචාර සම්බන්ධයෙන් ගිණුම් හිමියන් අතර ඇතිවන ව්‍යාකූලත්වයට විසදුම් ලබාදීම අරමුණ වනවා. මෙම නියමු ව්‍යාපෘතිය සෙසු රටවල ක‍්‍රියාත්මක කිරිමට ද සැලසුම් කර තිබෙනවා
නීල් ආමස්ට්‍රොන්ගේ ගඟනගාමී ඇදුම මහජන ප්‍රදර්ශනයට

නීල් ආමස්ට්‍රොන්ගේ ගඟනගාමී ඇදුම මහජන ප්‍රදර්ශනයට

සඳ මත පා තැබූ පළමු මිනිසාවන නීල් ආම්ස්ට්‍රෝන් සද මත පා තබන විට ඇඳ සිටි ගගණගාමී ඇඳුම වසර 13කට පසු මහජන ප්‍රදර්ශනය සදහා විවෘත කර තිඛෙනවා. ඒ සඳ මත පා තැබීම සදහා ඇපලෝ 11 යානය ප්‍රථිවියෙන් පිටත් වී වසර 50ක් සැපිරීම වෙනුවෙනුයි. එම අවස්ථාවට නීල් ආම්ස්ට්‍රෝන්ගේ පුත්‍රයා සහ අමෙරිකානු උප ජනාධිපති මයික් පෙන්ස් එක්ව සිටියා. මෙය වොෂින්ටනයේ පිහිටි ස්මිත් සෝනියන් ගුවන් හා අභ්‍යවකාශ කෞතුකාගාරයේ තැන්පත් කර ඇති අතර  පසුගිය වසර 13 පුරාම එය විශේෂ සංරක්‍ෂණ ක්‍රියාවලියකට භාජනය කර තිබුණා.