Skip to content
අමෙරිකාව සිය න්‍යෂ්ටික අවි ගබඩා යුරෝපයේ ස්ථානගත කර ඇති නමුත් රුසියාව විසින් බෙලරුසියාවේ අවි රැදවීමට සූදානම්වීම පිළිබද රුසියාවට තරවටු කරන බව අමෙරිකාවේ රුසියානු තානාපති ඇනටෝලි ඇන්ටනොව් පවසනවා.
බෙලරුසියාවේ උපක්‍රමශීලී න්‍යෂ්ටික අවි රැදවීමේ සැලසුම් සම්බන්ධයෙන් මොස්කව් වෙත වොෂින්ටනයේ විවේචන නොසලකා හරින බවයි තානාපතිවරයා සදහන් කළේ.
ටෙලිග්‍රාම් හි ප්‍රකාශයක් නිකුත් කරමින් තානාපතිවරයා පැවසුවේ, අමෙරිකාවට අවශ්‍ය ඕනෑම දෙයක් සිදුකළ හැකි වුවද අනෙක් රටවලට ඒ සඳහා අවසර ගැනීමට සිදුව ඇති බවයි.
උපායමාර්ගික ක්ෂේත්‍රයේ ද්විපාර්ශ්වික සබඳතාවල නෛතික පදනම දිගු කලක් තිස්සේ ක්‍රමානුකූලව විනාශ කරමින් සිටින්නේ වොෂින්ටනයයි. තවත් කෙනෙකුගේ ඇසේ තිතක් සොයා ගැනීමට උත්සාහ කළ ඔවුන් බොහෝ කලකට පෙර ඔවුන්ගේම ඇසේ ලී කොටය දැකීම නවතා දැමුවා.
රුසියාව න්‍යෂ්ටික අවි බෙලරුසියාවේ තැන්පත් කරනවා.එය වැලැක්වීමට බටහිරට නොහැකියි.