අනුරාධපුර පුත්තලම ප්රධාන මාර්ගයේ පන්ඩුලගම ඉන්ධන පිරවුම්හල අසළ පෝලිමේ රැඳී සිටි තරුණයෙකු වාහනයකට යට වීමෙන් ජීවිතක්ෂයට පත්වුණා.
යතුරුපැදියෙන් පැමිණ ඉන්ධන ලබාගැනීම සඳහා අද අලුයම පෝලිමේ රැඳී සිටියදී අනුරාධපුර දෙසින් පැමිණි වාහනයකට යටවීමෙන් ඔහු එම ස්ථානයේදීම ජීවිතක්ෂයට පත්වුණා. අනුරාධපුර දෙසින් පැමිණි වාහනයට ගමන් කිරීමට ප්‍රමාණවත් තරම් මාර්ගයේ ඉඩ පහසුකම් නැති ස්ථානයකදී අනතුර සිදුව තිබෙනවා. ජීවිතක්ෂයට පත්ව ඇත්තේ තඹුත්තේගම කිරලෝගම ප්‍රදේශයේ පදිංචි වයස අවුරුදු 19ක් වන තරුණයෙක්. ඔහු විදේශ ගත වීම සඳහා විදෙස් ගමන් බලපත්‍රයක් ලබා ගැනීමට වව්නියාවේ පිහිටි කාර්යාලයට ගමන් කිරීම සඳහා යතුරු පැදියට අවශ්‍ය ඉන්ධන ලබා ගැනීමට පෝලිමේ රැඳී සිටි අවස්ථාවේදීයි මෙම අනතුර සිදුව තිබෙන්නේ.