පසුගිය දහවනදා වත්තල ප්‍රදේශයේ දී මත් කුඩු තොගයක් සමඟ අත්අඩංගුවට ගත් සැකකරුගෙන් ලද තොරතුරුවලට අනුව දින කිහිපයකදී හෙරොයින් මත්කුඩු හා අයිස් මත්ද්‍රව්‍ය කිලෝග්‍රෑම් 128 ක් අත්අඩංගුවට ගෙන තිබෙනවා. සැකකරුවන් 13 දෙනෙකු ද පොලිස් භාරයට ගැනුනා.
පසුගිය 10 වනදා පොලිස් මත්ද්‍රව්‍ය විමර්ශන කාර්යාංශය වත්තල ප්‍රදේශයේදී කළ වැටලීමකදී හෙරොයින් මත්කුඩු කිලෝ ග්‍රෑම් 101 ක් හා අයිස් මත්ද්‍රව්‍ය කිලෝ ග්‍රෑම් 113 ක් සමඟ සැකකරුවෙකු අත්අඩංගුවට ගත්තා. සැකකරුගෙන් කළ ප්‍රශ්න කිරීම්වලින් පසුව ජා ඇළ ප්‍රදේශයේදී අයිස් වර්ගයේ මත්ද්‍රව්‍ය කිලෝ ග්‍රෑම් 15 ක් අත්අඩංගුවට ගත්තේ පසුගිය 11 වනදායි. එහිදි සැකකරුවන් හතර දෙනෙකු හා සැකකාරියන් දෙදෙනෙකු අත්අඩංගුවට ගෙන තිබෙනවා. වැඩිදුර ප්‍රශ්න කිරීමෙන් පසුව සපුගස්කන්ද, රත්ගහවත්ත, මාබිම ප්‍රදේශයේදී අයිස් මත්ද්‍රව්‍ය කිලෝ ග්‍රෑම් 110 ක් අත්අඩංගුවට ගැණුනා. එහිදි සැකකරුවන් 5 දෙනෙකුද සිය භාරයට ගැනිමට පොලීසියට හැකිවුණා.
කොට්ටාව ප්‍රදේශයේ දීද ගංජා කිලෝග්‍රෑම් 13 ක් මෙන්ම තවත් මත්කුඩු තොගයක් අත්අඩංගුවට ගෙන තිබෙනවා.