කොරෝනා වෛරසය ආසාදනය වූ බවට තහවුරු වූ විපක්ෂ නායක සජිත් ප්‍රේමදාස මහතාගේ ආශ්‍රිතයන් වීම හේතුවෙන් පාර්ලිමේන්තු මන්ත්‍රීවරුන් 04 දෙනෙකු ස්වයං නිරෝධායනයට යොමුවී තිබෙනවා.
ලක්ෂ්මන් කිරිඇල්ල, අශෝක් අබේසිංහ, හර්ෂ ද සිල්වා සහ තුෂාර ඉඳුනිල් යන මන්ත්‍රීවරුන් මෙලෙස, ස්වයං නිරෝධායනයට යොමුවී ඇති බවයි වාර්තා වන්නේ.
පාර්ලිමේන්තු මන්ත්‍රී අශෝක් අබේසිංහ ලබන බදාදා කොරෝනා පරීක්ෂණයකට යොමුවීමට නියමිත අතර, ආචාර්ය හර්ෂ ද සිල්වා හෙට දිනයේදී කොරෝනා පරීක්ෂණයක් වෙත යොමුවීමට ද නියමිතයි.
විපක්ෂනායකවරයාගේ ආශ්‍රිතයන් බවට පත්වූ මන්ත්‍රීවරුන් හඳුනා ගැනීම සඳහා පාර්ලිමේන්තුවේ සී සී ටීවී දර්ශන ද පරීක්ෂාවට කර කර තිබුණා.