ලොව පුරා වාර්තා වන කොරෝනා ආසාධිතයින් සංඛ්‍යාව කෝටි 15 ඉක්මවා තිබෙනවා.
ඒ අනුව මෙතෙක් වාර්තා වී ඇති කොරෝනා ආසාධිතයින් සංඛ්‍යාව පහලොස් කෝටි දෙලක්ෂ දහසය දහස් පන්සිය අනූවක්. වාර්තා වී ඇති මරණ සංඛ්‍යාව තිස් එක් ලක්ෂ හැට තුන් දහස් අටසිය හැත්තෑ තුනක්.
ගෙවුණු පැය 24 තුළ ලොව පුරා රටවලින් කොරෝනා ආසාධිතයින් අට ලක්ෂ අසූ පන් දහස් හයසිය හතරක් හමුවී ඇති අතර එම කාලය තුළ සිදුවී ඇති මරණ සංඛ්‍යාව පහලොස් දහස් දෙසිය අසූ හතරක්. ගතවූ පැය 24 තුළ ඉන්දියාවෙන් කොරෝනා ආසාධිතයින් තුන් ලක්ෂ හැත්තෑ නව දහස් හාරසිය පනස් නව දෙනෙකු සහ මරණ 3647 ක් ද බ්‍රසීලයෙන් ආසාධිතයින් හැත්තෑහත් දහස් දෙසිය හැට හයක් සහ මරණ 3019 ක් ද වාර්තා වී තිබෙනවා.
ගෙවුණු පැය 24 තුළ අමෙරිකාවෙන් ආසාධිතයින් පනස් හය දහස් හයසිය හතරක් සහ මරණ 954 ක් ද රුසියාවෙන් ආසාධිතයින් 7848 දෙනෙකු හා මරණ 387 ක් ද වාර්තා වී ඇති බවයි විදෙස් මාධ්‍ය පෙන්වා දෙන්නේ.