ගම්පහ, දිවුලපිටිය මැල්ලවගෙදර ප්‍රදේශයේ පුද්ගලයින් 44 දෙනෙකුට කොවිඩ් 19 වෛරසය ආසාදනය වී ඇති බව සෞඛ්‍ය අංශ හඳුනාගෙන තිබෙනවා.
එම පුද්ගලයින් පසුගිය දිනක අලුත්නුවර ප්‍රදේශයේ විනෝද චාරිකාවකට සහභාගී වූ පිරිසක් බව සදහන්.
හඳුනාගත් ආසාදිතයින්ගේ ආශ්‍රිතයින් 162ක් පී.සී.ආර්.පරීක්ෂණයට ද භාජනය කර තිබෙනවා.
ගතවූ අවුරුදු සමය තුල සෞඛ්‍ය ආරක්ෂිත උපදෙස් නොතකා ලක්ෂ සංඛ්‍යාත පිරිසක් විනෝද චාරිකා වෙනුවෙන් දිවයිනේ විවිධ ප්‍රදේශවලට ගමන් කර තිබූ අතර එය ද කොරෝනා අවදානම වර්ධනයවීමට සෘජුවම බලපා තිබෙනවා.