එක්ස්ප්‍රස් පර්ල් නෞකාවේ තෙල් කාන්දුවක් බවට සැක කළ හැකි පැල්ලම් තත්ත්වයක් දැකගත හැකි බවට විදෙස් මාධ්‍ය වාර්තා කරනවා. එය තහවුරු කරගෙන තිබෙන්නේ චන්ද්‍රිකා තාක්ෂණය ඔස්සේ ලබාගත් ඡායාරූප මගිනුයි. එම තෙල් පැල්ලම මීටර් ගණනාවක් විහිදී ඇති බව එම වාර්තාවල සදහන්. එමෙන්ම පවතින සුළං තත්ත්වය හමුවේ එය වඩාත් ව්‍යාප්ත වීමේ අවදානමක් ද විදෙස් මාධ්‍ය පෙන්වා දෙනවා.
මේ අතර එක්ස්ප්‍රස් පර්ල් නෞකාවේ ගිනි ගැනීමත් සමග ඇතිවූ තත්ත්වය හමුවේ මත්ස්‍ය පරි‌භෝජනයට අනවශ්‍ය බියක් ඇති කර නොගන්නා ලෙස රාජ්‍ය අමාත්‍ය කංචන විජේසේකර මහතා පවසනවා. එවැනි අවදානමක් ඇති වුවහොත් ජනතාව දැනුවත් කිරීමට කටයුතු කරන බවයි ඒ මහතා පෙන්වා දෙන්නේ.