කොරෝනා වයිරසයේ රෝග ලක්ෂණ ආසාදිතයින්ගේ වයස හා ස්ත්‍රී පුරුෂභාවය අනුව වෙනස්වන බව නවතම පරීක්ෂණයකින් අනාවරණය වී තිබෙනවා.
බ්‍රිතාන්‍යයේ විද්‍යාඥයින් පිරිසක් සිදුකළ පර්යේෂණයකිනුයි මේ බව අනාවරණය වී ඇත්තේ. කැස්ස , ගද සුවද නොදැනී යාම , උදරයේ වේදනාව , පාදවල බිබිලි හටගැනීම ඇතුළු රෝග ලක්ෂණ 19 ක් සම්බන්ධයෙන් මෙම පරීක්ෂණය සිදුකර තිබෙනවා. ගඳ සුවද නොදැනී යාමේ රෝග ලක්ෂණය වයස අවුරුදු 60 ට වැඩි පුද්ගලයින් අතර බහුලව දක්නට නොලැබෙන අතර වයස අවුරුදු 80 ට වැඩි පුද්ගලයින් අතර එම රෝග ලක්ෂනය නොමැති බව මෙහිදී තහවුරු වී තිබෙනවා. පපුවේ වේදනාව , අසාමාන්‍ය මස්පිඩු වේදනාව , ශ්වසන අපහසුතා ආදිය වයස අවුරුදු 60 ත් 70 ත් අතර ආසාදිතයන් අතර බහුලව දක්නට ලැබෙන බව වාර්තාවේ සඳහන්.