රාජ්‍ය දේපළ විකුණා හෝ ණය ලබාගෙන ශ්‍රී ලංකාව සංවර්ධනය කළ නොහැකි බව ජාතික ජන බලවේගයේ නායක පාර්ලිමේන්තු මන්ත්‍රී ,අනුර කුමාර දිසානායක මහතා පවසනවා.
පසුගිය දශක තුන හතරක කාලය තුළ එම උපාය මාර්ගය ක්‍රියාත්මක කළ ද එමගින් ශ්‍රී ලංකාව දියුණු කළ නොහැකි වූ බවයි මන්ත්‍රීවරයා සදහන් කළේ.
පානදුර ප්‍රදේශයේ පැවති ජනහමුවක් අමතමින් දිසානායක මහතා කියා සිටියේ රනිල් වික්‍රමසිංහ ජනාධිපතිවරයාට ණය ලබාගෙන රට සංවර්ධනය කිරීමට අවශ්‍ය නම් 2015 සහ 2019 වසරවලදී ඩොලර් බිලියන 12.5ක් ණය ලෙස ලබාගත් අවස්ථාවේදී එය කළ හැකිව තිබූ බවයි.
ඔහු මෙවර ජාත්‍යන්තර මූල්‍ය අරමුදලෙන් වසර හතරකට ලබා ගන්නේ ඇමෙරිකානු ඩොලර් බිලියන 2.9ක් පමණයි.ඔහු 2015 සහ 2019 වසර හතර හමාරක් ඇතුළත ඇමෙරිකානු ඩොලර් බිලියන 12.5ක් ලබා ගත්තා.හම්බන්තොට වරාය විකුණා ඩොලර් බිලියනයක් ද ලබා ගත්තා. නමුත් ඔහුට රට දියුණු කරන්න බැරි වුණා. වසර හතරකට ඩොලර් බිලියන 2.9ක් පමණක් ලබාගෙන කොහොමද රට ආර්ථික අර්බුදයෙන් ගොඩගන්නේ.