මියන්මාර හමුදා කුමන්ත්‍රණයට එරෙහි විරෝධතා අතරතුර පළමු මරණය වාර්තාවී තිබෙනවා.
ඒ පසුගිය පෙබරවාරි පළමුවනදා මියන්මාර පොලිසිය විරෝධතාකරුවන්ට සිදුකළ වෙඩි තැබීමකින් තුවාල ලැබූ තරුණියක් අද දිනයේ මරණයට පත්වීම සමගයි.
20 හැවිරිදි තරුණියක මෙසේ මරණයට පත්වූයේ ඇයගේ හිසට එල්ලවූ වෙඩි ප්‍රහාරයකින් තුවාල ලබා රෝහල්ගතව සිටි අතරතුරයි.
මෙම මරණය සමග මියන්මාර හමුදාවට එරෙහි විරෝධතා තවත් දැඩි වනු ඇති බවටයි අනතුරු ඇඟවෙන්නේ.
විරෝධතාකරුවන්ට විවිධ තර්ජන හා බලපෑම් එල්ල කරමින් පැවැතියද ඒ සඳහා එක්වන ප්‍රමාණය දිනෙන් දින වර්ධනය වන බවයි බී බී සී වාර්තා සදහන් කළේ.