ෆයිසර් බයෝ එන්ටෙක් එන්නත වයස අවුරුදු 12 ත් 15 ත් අතර දරුවන්ට සියයට සියයක් සාර්ථක බව අනාවරණ කර තිබෙනවා.
අමෙරිකාවේ දරුවන් 2260ක් භාවිත කරමින් සිදුකළ නවතම සායනික පරීක්ෂාවේ 3 වන අධියර අනුව , එන්නත ලබාගත් කිසිදු දරුවකුට වෛරසය ආසාදනය වී නොමැතිවීම විශේෂත්වයක්.
කෙසේ වෙතත් එම වයස් කාණ්ඩයේ දරුවන් අතර හානිකර නොවන අතුරු ආබාධ වාර්තාවී ඇති අතර උණ , හිසරදය හා එන්නත් කළ ස්ථානය වටා ඉදිමීම වැනි තත්ත්වයන් ඊට ඇතුලත්.
කෙසේ වෙතත් දින කිහිපයකින් එම තත්ත්වය සමනයවී තිබෙනවා.
ඒ අනුව පාසල් ආරම්භ කිරීම සදහා උචිතම ක්‍රමවේදයක් ලෙසයි පාසල් ආශ්‍රිත එන්නත්කරණය නම් කර ඇත්තේ.