පවතින තත්වය යටතේ වරාය ,ඉන්ධන පොදු ප්‍රවාහන ,මහ බැංකුව , රාජ්‍ය බැංකු ඇතුළු ආයතනවල සේවා සහ ග්‍රාම නිලධාරින් ඇතුළු ක්ෂේත්‍ර නිලධාරින්ගේ සේවා රජය විසින් අත්‍යවශ්‍ය සේවා බවට ප්‍රකාශයට පත් කරනු ලැබ තිබෙනවා.
ජනාධිපති ගෝඨාභය රාජපක්ෂ මහතාගේ උපදෙස් මත ජනාධිපති ලේකම් පී බී ජයසුන්දර මහතා මීට අදාළ ගැසට් නිවේදනයක් නිකුත් කරනු ලැබුවා.
පවතින කොරෝනා වසංගතය හමුවේ ජනතාවට උපරිම සේවය සැලසීමේ පියවරක් ලෙස රජය මෙම පියවර ගෙන ඇතැයි ජනාධිපති ලේකම් කාර්යාලය සදහන් කළා.
කොවිඩ් මර්දන එන්නත ලබා නොදුන්නැයි විරෝධය දක්වමින් රට පුරා සියළුම ග්‍රාම නිලධාරී වරු පෙරේදා (26 )සංකේත වැඩ වර්ජනයක නිරත වුණා.