දින 86කට පසු මෙරටින් දිනක් තුළ අඩුම කොරෝනා ආසාදිතයන් පිරිස ඊයේ දවසේ වාර්තා වුණා.
ඊයේ දිනයේ දී මෙරටින් කොරෝනා ආසාදිතයන් 932 නෙකු හදුනාගෙන තිබෙනවා. එය දින 86 කට පසු දිනක් තුළදී මෙරටින් හමුවූ අඩුම ආසාදිතයන් පිරිසයි.
එමෙන්ම රෝගීන් දහසේ සීමාවට අඩුවෙන් මෑතක අඩුම රෝගීන් පිරිස හමුවූ දෙවන දිනය ලෙසද වාර්තා අතරට එක් වනවා. කොරෝනා රෝගීන් දහසකට වැඩි පිරිසක් දිනක් තුළදී අවසන් වරට සොයාගෙන ඇත්තේ පසුගිය ජූලි මස පස් වනදායි.
මෙරටින් හමුවී ඇති සමස්ත කොරෝනා ආසාදිතයන් සංඛ්‍යාව පන් ලක්ෂ පහලොස් දහස් පන්සිය විසි හතර දෙනෙකු වනවා. මේ අතුරින් හාර ලක්ෂ පනස් හය දහස් අසූ හත් දෙනෙකු සුවය ලැබුවා. හතලිස් හය දහස් හයසිය පනස් එක් දෙනෙකු තවදුරටත් ප්‍රතිකාර ලබනවා. කොරෝනා මරණ 12786 ක් සිදු වුණා. ඊයේ දිනයේ දී පීසිආර් පරීක්ෂණ 7231 ක් සිදු කළා. ඇන්ටිජන් පරීක්ෂණ 2675 ක් සිදු කර තිබෙනවා.