මේ වන විට සමාජ මාධ්‍යයේ සංසරණය වන කොළඹ වරාය පර්යන්තයෙන් විශේෂ ආරක්ෂාවක් සහිතව කන්ටේනර් පෙට්ටියක් පිටකිරීමට කටයුතු කර තිබෙන ආකාරය දැක්වෙන ඡායාරූප සහ වීඩියෝ පටය සම්බන්ධයෙන් ශ්‍රී ලංකා වරාය අධිකාරිය දැනුවත් කිරීමක් සිදු කර තිබේ.
එම වීඩියෝවේ ඇතුළත් බහලු මෙහෙයුම ශ්‍රී ලංකා පරමාණුක බලශක්ති නියාමන සභාවේ අනුමැතිය පරිදි සිදුකරන විනාශ කිරීම සඳහා ඉවත් කරන විකිරණශීලී ද්‍රවය නැවත අපනයනය කිරීමක් වන බව ඔවුන් සඳහන් කරයි.
එවැනි මෙහෙයුමක් සිදුකරන අවස්ථාවක විශේෂ කාර්යය බලකාය ස්ථානගත කිරීම සාමන්‍යයෙන් සිදුවන බව ඔවුන් වැඩිදුරටත් සඳහන් කර තිබේ.
