අනුරාධපුර තලාව ප්‍රදේශයේ දී අනතුරකට ලක්ව තුවාල ලැබූ ප්‍රවීණ රංගන ශිල්පී ජැක්සන් ඇන්තනීට සැත්කමක් සිදුකර තිබෙනවා. මේ වනවිට ඔහු කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබනවා.
ගල්ගමුව ප්‍රදේශයේ සිදුකළ රූගත කිරීමක් අවසන් කල ජැක්සන් ඇන්තනී මහතා නවාතැන් ගැනීම සඳහා අනුරාධපුරයට එමින් සිටියදී වන අලියෙකු ගැටීමෙනුයි අනතුර සිදුවුණේ. එම අවස්ථාවේ ජැක්සන් ඇන්තනී මහතා සමඟ කැබ් රථයේ ගමන් ගත් තවත් දෙදෙනෙකු තුවාල ලැබුවා. ජැක්සන් ඇන්තනී මහතා අනුරාධපුර ශික්ෂණ රෝහලට ඇතුළත් කිරීමෙන් පසු වැඩිදුර ප්‍රතිකාර සදහා කොළඹ ජාතික රෝහලට මාරුකෙරුනා. ඊයේ දිනයේ දී ඒ මහතාට සැත්කමක් සිදුකල අතර අද දිනයේ දී තවත් සැත්කමකට යොමු කිරීමට නියමිත බවයි රෝහල් වාර්තා සදහන් කළේ. ඒ මහතා මේ වන විට කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබනවා.