කිර්ගිස්ථානය හා ටජිකිස්ථාන් දේශසීමාවේදී ඇතිවූ ගැටුම්වලින් මියගිය සංඛ්‍යාව 100කට ආසන්න බවයි විදෙස් මාධ්‍ය සදහන් කරන්නේ. එමෙන්ම පුද්ගලයින් 200කට ආසන්න සංඛ්‍යාවක් තුවාල ලබා ඇති බවද සදහන්.
කිර්ගිස්ථානය හා ටජිකිස්ථානය අතර දේශසීමා සම්බන්ධයෙන් ගැටුම් වසර ගණනාවක සිට පවතිනවා. දෙරට අතර සටන් විරාමයක් රුසියා ජනාධිපති ව්ලැදිමීර් පුටින්ගේ මැදිහත්වීමෙන් ක්‍රියාත්මක වුවද පසුගිය සිකුරාදා එම සටන් විරාමය බිද වැටුණා. පැරණි සෝවියට් සමූහාන්ඩුවට අයත් රටවල් දෙකක් වන කිර්ගිස්ථානය හා ටජිකිස්ථානය සෝවියට් සමූහාන්ඩුව බිද වැටීමෙන් අනතුරුව ගැටුම් ආරම්භ කළා. කිලෝමීටර් දහසකට අධික දේශ සීමාවක් රටවල් දෙක අතර පවතින අතර ගැටුම් නවතා සටන් විරාමයකට පැමිණෙන ලෙසයි රුසියා ජනාධිපති ව්ලැඩිමීර් පුටින් දෙරටින්ම ඉල්ලා සිටින්නේ. මේ ආකාරයටම 2021 වසරේ ඇතිවූ ගැටුම්වලින් පුද්ගලයින් 50 දෙනෙකු පමණ ජීවිතක්ෂයට පත්වුණා.