වසර 2009 සිට වාර්ෂිකව දරුණු මූල්‍ය අර්බුදයකට ගොදුරුව ප්‍රාග්ධනය පවා ක්ෂය වී යන තත්ත්වයකට පත්වුණු ශ්‍රී ලන්කන් ගුවන් සේවයට වසර තුනකට රුපියල් බිලියන හතළිස් හයයි දශම හතරක භාණ්ඩාගාර බැඳුම්කර නිකුත් කර තිබෙන බව සාක්කිකාර ශ්‍රීලන්කන් ගුවන් සේවයේ සමාගම් ලේකම්වරිය ඩැල්රීන් තිරුකුමාර් මහත්මිය අදාළ ලේඛන ගත තොරතුරු කොමිසම හමුවේ ඉදිරිපත් කරමින් අනාවරණ කර තිඛෙනවා.

මෙතරම් විශාල භාණ්ඩාගාර බැඳුම්කර ප්‍රමාණයක් ලබාදීමට උපදෙස් දුන්නේ කවුරුන් දැයි ලේඛනගතව නොමැති බවත් සාක්ෂිකාරිය කොමිසම හමුවේ වැඩිදුරටත් සාක්ෂි දෙමින් අනාවරණ කළා.

අතිරේක සොලිසිටර් ජනරාල් ජනාධිපති නීතිඥ නීල් උනම්බුව මහතාගේ විමසීම් හමුවේ සාක්ෂි දෙමින් සාක්ෂිකාරිය තිරුකුමාර් මහත්මිය ලේඛනගත‍ මෙම තොරතුරු අනාවරණය කළ වහාම අතිරේක සොලිසිටර් ජනරාල් උනම්බුව මහතා සාක්ෂිකාරියට දැනුම් දුන්නේ ඊට අදාළ ලේඛන සොයා කොමිසමට ඉදිරිපත් කරන ලෙසයි.

අදාළ ලේඛන සොයා ගන්නා ලෙසටත් ඒ සඳහා ප්‍රමාණවත් කාලපරාසයක් කොමිසම ලබාදෙන බව මෙහිදී කොමිසමේ සභාපති විශ්‍රාමලත් ශ්‍රේෂ්ඨාධිකරණ විනිසුරු අනිල් ගුණරත්න මහතා සාක්ෂිකාරියට දැනුම් දුන්නේ නැවත කොමිසම කැඳවූ වහාම එම ලේඛන සමඟ කොමිසම හමුවේ පෙනී සිටින ලෙසටයි.

වසර 2011 රුපියල් බිලියන දහහතරයි දශම දෙකක, වසර 2012 රුපියල් බිලියන දොළහයි දශම හයක, වසර 2013 රුපියල් බිලියන දහනවයයි දශම පහක භාණ්ඩාගාර බැඳුම්කර ශ්‍රී ලන්කන් ගුවන් සේවය විසින් මෙසේ නිකුත් කර තිබුණා.

26559

ආසාදිතයන්

19438

සුවය ලැබූ

6991

දැනට රෝගීන්

130

මරණ

බෙදා හරින්න :