හෝමාගම මංගල උත්සව දෙකකින් ආසාදිතයන් 16 ක්

Sri Lanka

හෝමාගම සෞඛ්‍ය වෛද්‍ය නිලධාරී කාර්යාල බලප්‍රදේශයේ පවත්වන ලද විවාහ උත්සව දෙකක මනාල යුවල දෙකක් ඇතුළු 16 දෙනෙකුට කොරෝනා වෛරසය ආසාදනය වී ඇතැයි හඳුනාගත් බව හෝමාගම පරිපාලන මහජන සෞඛ්‍ය පරීක්ෂක ප්‍රියන්ත විජේසූරිය මහතා පවසනවා.
මින් එක් විවාහ මංගල උත්සවයක් දින තුනක් ස්ථාන තුනකදී පවත්වා ඇති අතර එක් අවස්ථාවක් සඳහා අවසර ලබාගෙන නොමැති බවයි හෙළිව ඇත්තේ.
එම උත්සව අවස්ථා තුන, කඩුවෙල රණාල ප්‍රදේශයේ නිවසකත් පාදුක්ක මීපේ ප්‍රදේශයේ හෝටලයකත් පාදුක්ක වටරැක ප්‍රදේශයේ නිවසකත් පවත්වා තිබෙනවා.
උත්සව තුනෙන් පසු අදාළ මනාල යුවල නුවරඑළිය ප්‍රදේශයේ හෝටලයකට ගොස් සිටියදී ඇති වු රෝගී තත්ත්වයක් මත සිදුකළ පරීක්ෂණයකදී එම දෙදෙනාම කොරෝනා වෛරස ආසාදිතයින් බව තහවුරු වී තිබුණා.
මේ හේතුවෙන් අදාළ උත්සව තුනටම සහභාගී වූ පවුල් 100 කට වැඩි ප්‍රමාණයක පිරිසක් නිරෝධායනය සඳහා යොමු කරමින් පවතිනවා.
ආසාදිතයන් බවට පත්ව සිටින අනෙක් මනාල යුවල හෝමාගම පිටිපන ප්‍රදේශයේ උත්සව ශාලාවක මංගල උත්සවය පවත්වා ඇති අතර ඔවුන් දෙදෙනාට ද ඇති වූ රෝග ලක්ෂණ හේතුවෙන් සිදුකළ පී සී ආර් පරීක්ෂණයේදී ආසාදිතයින් බව තහවුරු වී තිනෙවා.
එම උත්සවයට සහභාගී වූ මනමාල පාර්ශ්වයේ 25 දෙනෙකුට සිදුකළ පී සී ආර් පරීක්ෂණවලදී ඉන් 12 දෙනෙකු ද ආසාදිතයන් ලෙසයි හදුනාගෙන ඇත්තේ.


මූලාශ්‍ර සහිත හොඳම තොරතුරු දැනගන්න. ලංකා ඒ නිවුස් සමඟ එක්වන්න.

Lanka A News

83094

ආසාදිතයන්

78947

සුවය ලැබූ

3683

ප්‍රතිකාර ලබන

471

මරණ

පුවත යවන්න

Leave a Reply

Your email address will not be published. Required fields are marked *