කොලඹ ඝාතන රැසක් කළ යතුරු පැදි පාතාලයා කොටුවෙයි

ප‍්‍රබල පාතාල සාමාජිකයන් වන මාකදුරේ මධුෂ් සහ මාලිගාවත්තේ  කංජිපානි ඉම්බ‍්‍රාන් නැමැත්තන් කොළඹ අවට ඝාතන සඳහා යොදා ගන්නා යතුරුපැදිකරු වැල්ලම්පිටිය  ගෝතමී මාවතේ දී  අත්අඩංගුවට ගෙන තිඛෙනවා.
ඒ කොළඹ අපරාධ කොට්ඨාසය විසින්.

මෙම සැකකරු එකම යතුරු පැදියෙන් පැදිකරු වශයෙන් ගොස් ඝාතන හතරක් සිදුකර ඇති බවද හෙළිව තිඛෙනවා.

මාර්තු මස 7 වැනි දින අලූත්කඩේ මහේස්ත‍්‍රාත් අධිකරණයේ ඉදිරිපිට පොලිතීන් උරයක දමා ගොස් තිබු කොස්මල්ල නැමැත්තාගේ  හිස  මාතර සිට  අලූත්කඩේ උසාවිය දක්වා  රැගෙනවිත් ඇත්තේ මෙම සැකකරු බවද පොලිසිය පවසනවා.

මාර්තු 3 වැනි දා ආමර්විදියේ  මෝටර් රථයක් තුළදී මත්කුඩු ජාවාරම්කරුවෙක් වන  රාජ් නැමැත්තා වෙඩි තබා ඝාතනය කිරීම,  ජුනි 7 වැනි දා  වෙරළබඩ පොලිස් වසමේ අඹුසැමි යුවළක් වෙඩි තබා ඝාතනය කිරීම, අගෝස්තු 3 වැනි දා පාතාල සාමාජියකු වන පුකුඩකන්නා නැමැත්තාගේ පියා වෙඩි තබා ඝාතනය කිරීම යන ඝාතන සදහා යතුරු පැදිකරු වශයෙන්  කටයුතු කර ඇත්තේ මෙම සැකකරු බවද හෙළිව ඇතැයි සදහන්.

මෙම ඝාතන සඳහා යොදාගෙන ඇත්තේ නවීන පල්සර් වර්ගයේ යතුරුපැදියක් වන අතර ඝාතන සඳහා භාවිතා කිරීමෙන් පසු එම යතුරුපැදිය වත්තල ඇලකන්ද ප‍්‍රදේශයේ  නිවස සඟවා තැබෙන බවද  සැකකරුගෙන් ප‍්‍රශ්න කිරීමේ දී හෙළිකර තිඛෙනවා.

5685

ආසාදිතයන්

3457

සුවය ලැබූ

2215

දැනට රෝගීන්

13

මරණ

බෙදා හරින්න :