Skip to content

යාපනය මුහුදේ ගිලී යයිද ? සැබෑවූ අනාවැකිය මෙන්න

මුලතිව් හා යාපනයේ කෝපායි ප්‍රදේශයේ මහ මුහුදේ ජලය පෙර තිබූ තත්ත්වයට වඩා අඩි 5කින් පමණ ඉහල යාම පිළිබද පසුගිය දිනවල අවධානයට ලක් කෙරුණා.
මෙම තත්ත්වයට හේතුව මෙතෙක් නිශ්චිතව අනාවරණවී නැහැ.
ශ‍්‍රී ජයවර්ධනපුර විශ්ව විද්‍යාලයේ හිටපු උපකුලපති භූගෝල විද්‍යාව පිළිබඳ මහාචාර්ය අභාවප‍්‍රාප්ත සෙනවි එපිටවත්ත මහතා විසින් 2015 දෙසැම්බර් 31 වන දින අදහස් දක්වමින් අනාවරණ කර තිබුණේ යාපනය අර්ධද්වීපය මුහුදු ජලයෙන් යටවිය හැකි බවයි.
එසේම ඉදිරි වසර 05ක කාළය තුළ යාපනයේ පිරිසිදු පානීය අහිමිවීමේ අවධානමක් හා එමගින් කෘෂිකර්මය බිදවැටීමේ අවධානමක් ඇති විය හැකි බවයි මහාචාර්යවරයා පවසා තිබුණේ.
මේ 2015 වර්ෂයේදී අප එම පුවත වාර්තා කළ ආකාරයයි.

යාපනේ වැසියන්ට මුහුදු වතුර බොන්න වෙනවාලු


යාපනය අර්ධද්වීපයේ වැසියන්ට ඉදිරි වසර පහ ඇතුළත පිරිසිදු පානීය ජලය වෙනුවට මුහුදු ජලය පානය කිරීමට සිදුවන බවටත්,ඇතැම් විට යාපනය අර්ධද්වීපය මුහුදු ජලයෙන් යටවිය හැකි බවටත් විද්‍යාඥයින් පිරිසක් විසින් අනතුරු අඟවති.

විද්‍යාඥයින් විසින් සිදු කොට ඇති මෙම අනතුරු ඇඟවීම පිළිබඳව උතුරේ ජනතාව දැනුම්වත් කරන උතුරු පළාත් සභාවේ කෘෂිකර්ම අමාත්‍ය පොන්නුතුරෙයි අයින්කරනේෂන් පවසන්නේ යාපනයේ ජනතාව පරිසරයට මීට වඩා ආදරය කළහොත් මෙම අර්බුදයෙන් බේරිය හැකි බවයි.

යාපනයේ පිහිටි භූගෝලීය විෂමතාවයක් හේතුවෙන් ගොඩබිම මුහුදට සෝදාගෙන යාහැකි බව පවසන කෘෂිකර්ම අමාත්‍යවරයා ඉන් ආරක්ෂාවීමට හැකි ක්‍රමයක් වහාම සෙවිය යුතුව ඇතැයිද පැවසීය.

ශ්‍රී ජයවර්ධනපුර විශ්වවිද්‍යාලයේ හිටපු කුලපති භූගෝල විද්‍යාව පිළිබද මහාචාර්ය සෙනෙවි එපිටවත්ත මහතා කියා සිටියේ යාපනය අර්ධද්වීපයට සිදුවන මෙම හානිය දැනටමත් ආරම්භ වී ඇති බවයි.

යාපනය පුරාම ඇති හුණුගල් තට්ටු ජලය සමග දියවී යාමත් සමගම විශාල ඇළි හෑරී එම ඇළි මුහුදට විවෘතවීම නිසා ජලය සමග මුහුදු ජලය මිශ්‍රවන බව කී මහාචාර්යවරයා ජනතාව භූගත ජලය වැඩිවශයෙන් ප්‍රයෝජනයට ගන්නා තරමට ඒහා සමානව මුහුදු ජලය සාමාන්‍ය ජලය සමග මිශ්‍රවන බවද සදහන් කළේය.

අතීතයේදී යාපනයේ වැසියන් ආඩියා මැනීමේ ළිං ක්‍රමයට අයත් ජලසම්පාදන ක්‍රමයකින් ජලය ලබාගත් අතර එම ක්‍රියාවේදී නිතරම ජලය කැළඹීමක් සිදුවූ බැවින් ජලය පිරිසිදු වූ බව පෙන්වාදුන් එපිටවත්ත මහතා මෙම අවදානමෙන් යාපනයේ වැසියන් ආරක්ෂා කරගැනීමට කළ හැක්කේ ජනතාව ප්‍රයෝජනයට ගන්නා ජල ප්‍රමාණයට සරිලන ජල ප්‍රමාණයක් පිටතින් සපයාදීම බවත් කියයි.

26038

ආසාදිතයන්

19032

සුවය ලැබූ

6877

දැනට රෝගීන්

129

මරණ

බෙදා හරින්න :

Leave a Reply

Your email address will not be published.