තායිවානය ආශ්‍රිතව චීන , අමෙරිකානු මෙහෙයුම් අනතුරුදායක මට්ටමක

Sri Lanka

තායිවානයේ නිරිතදිග ප්‍රදේශයට ඊයේ දිනය තුල චීන ප්‍රහාරක ගුවන් යානා හයක් සහ එක්සත් ජනපද ඔත්තු බැලීමේ ගුවන් යානයක් ඇතුළු වූ බව තායිවාන ආරක්ෂක අමාත්‍යාංශය පවසනවා.
චීන ගුවන් යානා ඇතුළු වූ මොහොත තුලම අමෙරිකානු යානය ද එම කලාපයට පිවිසි බවයි තායිවානය පවසන්නේ.
දකුණු චීන මුහුදේ උතුරු කලාපයේ තායිවානය පාලනය කරන ප්‍රටාස් දූපත් වලට ආසන්න ප්‍රදේශයට පසුගිය දින කිහිපය තුලම චීන ප්‍රහාරක ගුවන් යානා ඇතුළුවී තිබුණා.
තායිවානය එය විවේචනය කළ අතර එම කාල සීමාව ආශ්‍රිතවයි අමෙරිකානු ගුවන් යානා ප්‍රවාහන නෞකා දකුණු චීන මුහුදු කලාපයට ඇතුළුවී තිබුනේ.
එක්සත් ජනපදය, තායිවානය සමඟ නිල රාජ්‍ය තාන්ත්‍රික සබඳතා නොමැති වුවද එරට ප්‍රධානතම ජාත්‍යන්තර ආධාරකරු සහ ආයුධ සැපයුම්කරු ද වනවා.
මේ පිළිබද වාර්තා කරන යූ එස් නිවුස් වෙබ් අඩවිය පවසන්නේ චීනය තායිවානයට එල්ල කරන බලපෑම් සම්බන්ධයෙන් අමෙරිකාව නිරන්තර අවදානයකින් පසුවන බවයි.
දකුණු චීන මුහුදේ රදවා ඇති අමෙරිකානු නෞකාවල පවතින ගුවන් යානා මගින් එම නිරීක්ෂණය සිදුවන බවද එම වාර්තා පවසනවා.
ඉකුත් දා චීනය තායිවානයට අනතුරු ඇඟවූ අතර ඒ වෙනම රටක් බවට පත්වීම සදහා තවත් කටයුතු කළහොත් යුද්ධයක් හටගත හැකි බව පවසමින්.
කෙසේ වෙතත් අමෙරිකාව ද එම තර්ජනාත්මක අදහස් හෙළාදකිමින් අදහස් දක්වා තිබුණා.



Lanka A News

82180

ආසාදිතයන්

77625

සුවය ලැබූ

4096

ප්‍රතිකාර ලබන

464

මරණ

පුවත යවන්න

Leave a Reply

Your email address will not be published. Required fields are marked *