පොදු ජන පෙරමුණට සම්බන්ධ පක්ෂ ඉදිරි පළාත් පාලන මැතිවරණයට අපේක්ෂකයන් ඉදිරිපත් කිරීමට ඉල්ලා ඇති ප‍්‍රමාණයත් සමඟ මතභේදාත්මක තත්ත්වයක් නිර්මාණයවී ඇති බව වාර්තාවනවා.
ඉදිරි පළාත් පාලන මැතිවරණයට පක්ෂයකින් අපේක්ෂකයන් අට දහස් පන්සියයකට ආසන්න සංඛ්‍යාවක් ඉදිරිපත් කළ හැකි අතර ඒ පළාත් පාලන කොට්ඨාශ ප්‍රමාණය අනුවයි. පොදු ජන පෙරමුණ සමඟ සිටින ජාතික නිදහස් පෙරමුණ, පිවිතුරු හෙළ උරුමය ආදී පක්ෂ විශාල අපේක්ෂකයන් සංඛ්‍යාවක් ඉදිරිපත් කිරීමට අවස්ථාව ලබා දෙන ලෙස ඉල්ලා තිබීමයි මෙම අර්බුධයට හේතුවී ඇත්තේ.ජාතික නිදහස් පෙරමුණ අපේක්ෂකයන් 800ක් පමණ ඉදිපත් කිරීමට අවස්ථාව ඉල්ලා ඇති අතර පිවිතුරු හෙළ උරුමය ද ඊට ආසන්න සංඛ්‍යාවකින් ඉදිරිපත් කිරීමට අවස්ථාව ඉල්ලා තිබුණා. මෙයට සමගාමීව පොදු ජන පෙරමුණට සම්බන්ධ සෙසු පක්ෂ ද ඒ ආකාරයට සිය අපේක්ෂකයන් ඉදිරිපත් කිරීමේ අවස්ථාව ඉල්ලා තිබීම නිසා අර්බුධය උත්සන්නවී තිඛෙනවා.
