ඩෙංගු අවධානම හිස ඔසවයි / ජනතාවට උපදෙස්

නිරිත දිග මෝසම් කාලගුණය සක්‍රිය වීම හේතුවෙන් ඩෙංගු රෝගය පැතිර යාමේ අවධානමක් මතුව ඇති බව සෞඛ්‍ය අංශ අනතුරු අගවනවා.

කොළඹ ,ගම්පහ , මහනුවර ,ගාල්ල ,මාතර හා රත්නපුර දිස්ත්‍රික්වල ඩෙංගු වැඩි අවදානමක් පවතින අතර නිරිත දිග මෝසම් සහිත මෝසම් කාලගුණ තත්ත්වය සමඟ දිවයිනේ බොහෝ ප්‍රදේශවලට  වැඩි වර්ෂාපතනයක් ලැබෙමින් පවතිනවා. ඒ හේතුවෙන් ඩෙංගු මදුරුවන්ගේ ඝණත්වය ඉහලගොස් ඇති  බවයි සෞඛ්‍ය අංශ පෙන්වා දෙන්නේ. පෙරවරු 6 සිට 11 දක්වා සහ පස්වරු 03 සිට 07 දක්වා වන කාලය  තුළ ඩෙංගු මදුරුවන් දෂ්ට කිරීමේ වැඩි අවදානම් පවතින බැවින් විමසිල්මත් වන ලෙසයි සෞඛ්‍ය අංශ දැනුම් දෙන්නේ.