කොරෝනා එන්නත් ගැන ව්‍යාජ මතවලට රැවටෙන්න එපා / ජනතාවට ඉල්ලීමක්

Sri Lanka

කොරෝනා එන්නත් පිළිබද මහජනතාව තුල බියක් ඇති කරන මිථ්‍යා සහ වැරදි මත කිහිපයක් සමාජ මාධ්‍ය තුළ පැතිරෙමින් පවතින බව වෛද්‍ය විශේෂඥයන්ගේ සංගමයේ එල් රණසිංහ මහතා පවසනවා.
ඔහු කියා සිටියේ සමාජයේ ඇතැම් පාර්ශවයන්ට එන්නත ලබා දිය යුතුද නැද්ද යන්න පිළිබඳ මේ හරහා සැකයක් මතුවීම සමඟ එන්නත් ලබා ගැනීමට ජනතාව පසුබට විය හැකි බවයි.
ඇතැම් සෞඛ්‍ය සේවකයන් තුල ද එම සැකය පවතින බවයි එල් රණසංහ මහතා පැවසුවේ.
දැනට ලංකාවේ භාවිත කරන ඔක්ස්ෆර්ස් ඇස්ට්‍රසෙනිකා කොවිෂීල්ඩ් එන්නත නියමිත ක්‍රියාවලියෙන් පසුව ඖෂධ නියාමන අධිකාරිය විසින් අනුමත කර තිබෙනවා.
එසේම බ්‍රිතාන්‍යයේ හා යුරෝපා සංගමයේ පරීක්ෂණ මගින් ද එන්නත අතුරු ආබාධ අවම හා සාර්ථක බවයි තහවුරුව ඇත්තේ.
මේ අනුව, එන්නත සඳහා සුදුසුකම් ඇති සෑම ශ්‍රී ලාංකිකයෙකුගෙන්ම වෛද්‍ය විශේෂඥයන්ගේ සංගමය ඉල්ලා සිටියේ කිසිදු ප්‍රමාදයකින් තොරව එය ලබා ගන්නා ලෙසයි.
දැනට වසංගතයට එරෙහිව පවතින හොඳම විසදුම එය පමණක් බවද සංගමය පෙන්වා දෙනවා.


මූලාශ්‍ර සහිත හොඳම තොරතුරු දැනගන්න. ලංකා ඒ නිවුස් සමඟ එක්වන්න.

Lanka A News

83552

ආසාදිතයන්

79422

සුවය ලැබූ

3654

ප්‍රතිකාර ලබන

476

මරණ

පුවත යවන්න

Leave a Reply

Your email address will not be published. Required fields are marked *