“තලාක්” දික්කසාදය ඉන්දියාවේදී තහනම්

මුස්ලිම් ජාතිකයින්ගේ තුන්වරක් තලාක් යනුවෙන් පවසමින් දික්කසාදවීම ඉන්දීය පාර්ලිමේන්තුව මඟින් අපරාධමය වරදක් ලෙසට නම්කර තිබෙනවා.

මුස්ලිම් නීතියට අනුව සැමියාට සිය බිරිඳ දික්කසාද කිරීමට අවශ්‍ය නම් තලාක් යනුවෙන් කෙටි පණිවුඩයක් හෝ විද්‍යුත් තැපෑල මඟින් තුන්වරක් සඳහන් කිරීමෙන් දික්කසාද විය හැකියි. ඉන්දියාවේ ජීවත්වන මුස්ලිම් කාන්තාවන්ගේ අයිතීන් සුරක්ෂිත කිරීම සඳහා මෙය අපරාධමය වරදක් බවට ප්‍රකාශයට පත්කළ බවයි ඉන්දීය පාර්ලිමේන්තුව සඳහන් කළේ. මෙම නීතිය උල්ලංඝනය කරන පුද්ගලයෙකුට වසර තුනක සිර දඩුවම් විදීමට ද සිදුවනවා.

පාලක භාරතීය ජනතා පක්ෂය මේ සම්බන්ධයෙන් පනත් කෙටුම්පත ගෙන ආ අතර විපක්ෂය ඊට සිය විරෝධය පළකළා. කෙසේ වෙතත් එය සම්මත කර ගැනීමට අද දිනයේ හැකිවුණා.


මෙම පුවතට අදාළව ප්‍රතිචාර දැක්වීමේ අයිතිය ඔබ සතුය. එම ප්‍රතිචාර lankaanews@gmail.com යන ඊ මේල් ලිපිනය වෙත යොමුකරන්න