මෙරට ආර්ථිකයට විශාල දායකත්වයක් ලබාදෙන විදෙස්ගත ශ්‍රමිකයින් වෙනුවෙන් වඩාත් විධිමත් පහසුකම් සම්පාදනයට රජයේ විශේෂ අවධානයක් යොමුව ඇති බව එක්සත් ජාතික පක්ෂ කුරුණෑගල දිස්ත්‍රික් පාර්ලිමේන්තු මන්ත්‍රී හා පාර්ලිමේන්තුවේ ආණ්ඩු පක්ෂ සහකාර සම සංවිධායක ජේ සී අලවතුවල මහතා පවසනවා.
මන්ත්‍රීවරයා මේ බව සදහන් කළේ අය වැය කාරක සභා අවස්ථා විවාදයේ විදේශ රැකියා අමාත්‍යාංශ වැය ශීර්ෂ විවාදයේදී අදහස් දක්වමින්.
විදෙස්ගත ලාංකීය ශ්‍රමිකයින්ට ජන්ද අයිතිය ලබාදීම සදහා රජය ගෙන යන වැඩපිළිවෙලද කඩිනම් කළ යුතු බව ජේ සී අලවතුවල මහතා මෙහිදී කියා සිටියා.
මෙරට ජාතික ආර්ථිකය ශක්තිමත් කරන විදෙස්ගත ශ්‍රමිකයින්ගේ හා ඔවුන්ගේ පවුල්වල සුරක්ෂිතතාවය සහතික කිරීම අත්‍යාවශ්‍ය බවයි මන්ත්‍රීවරයා අවධාරණය කළේ.

මේ වන විටත් විදේශ රැකියාවල නියුතු ශ්‍රමිකයින්ට විශ්‍රාම වැටුපක් ලබාදීම වෙනුවෙන් මූලික කටයුතු ක්‍රියාත්මක වන අතර ලබන වසරේ මැද භාගය වන විට එය සක්‍රීය කළ හැකි බවටයි විශ්වාසය පලවන්නේ.
එය තවත් කඩිනම් කරමින් විදෙස්ගත ශ්‍රමිකයින්ට සුරක්ෂිතතාවයක් ඇති කළ යුතු බවද මන්ත්‍රීවරයා කියා සිටියා.

ඒ අනුව ඉතිහාසයේ කවරදාටත් වඩා වැඩි අගය කිරීමකට විදෙස්ගත ලාංකීය ශ්‍රමිකයින් ඉතා ඉක්මනින් පත් කිරීම රජයේ අරමුණ බවද ජේ සී අලවතුවල මහතා ප්‍රකාශ කළා.
විදෙස්ගත ලාංකීය ශ්‍රමිකයින්ගේ දරුවන්ගේ අධ්‍යාපන කටයුතු ඇතුලු අංශ ගණනාවක් කෙරෙහි මේ වන විටත් වැඩසටහන් රැසක් ක්‍රියාත්මක වන බැවින් එහි ප්‍රතිලාභ කඩිනම් කිරීම කෙරෙහිව අවධානය යොමුවිය යුතු බවයි ජේ සී අලවතුවල මහතා අවධාරණය කළේ.

26038

ආසාදිතයන්

19032

සුවය ලැබූ

6877

දැනට රෝගීන්

129

මරණ

බෙදා හරින්න :

Leave a Reply

Your email address will not be published.