ඔස්ට්‍රේලියානු රැකියා දෙන නව වැඩපිළිවෙලක් අරඹයි

හොඳම සහ බුද්ධිමත්ම සේවකයින් දහස් ගණනින් ඔස්ට්‍රේලියාවට ගෙන ඒමට ඔස්ට්‍රේලියානු මධ්‍යම රජය නව වැඩ පිළිවෙලක් ක්‍රියාත්මක කර තිබේ.

ඒ සඳහා ඇතැම් විදේශ රටවල ඔස්ට්‍රේලියානු මධ්‍යම රජය නියෝජනය කරන බඳවා ගැනීමේ නිලධාරීන් අනියුක්ත කිරීමට අපේක්ෂා කරන බවද වාර්තා වේ.

ලොව සිටින හොඳම සහ බුද්ධිමත් සේවකයින් ඔස්ට්‍රේලියාවට ගෙන්වා ගැනීමේ අරමුණින් Global Talent Independent වැඩසටහන යටතේ ලොව ප්‍රධාන රටවල කිහිපයකම බඳවා ගැනීමේ නිලධාරීන් අනියුක්ත කිරීමට ඔස්ට්‍රේලියානු මධ්‍යම රජය තීරණය කර තිබේ.

එසේ අනියුක්ත කළ එක් නිලධාරියෙකු පිළිබද ඔස්ට්‍රේලියානු මධ්‍යම රජයේ ආගමන කටයුතු පිළිබද අමාත්‍ය David Coleman විසින් හෙළිදරව් කළේය.

අදාළ නිලධාරියා ජර්මනියේ බර්ලින් නුවර සිට සිය කටයුතු කරන බව ඔහු පැවසීය.

ඊට අමතරව ලබන මාසයේදී ඇමෙරිකා එක්සත් ජනපදයට, සිංගප්පූරුවට, සෙන්තියෝගෝ නුවරට, ෂැන්හයි නුවරට මෙන්ම ඩුබායි රාජ්‍යයට ද එවැනි  බඳවා ගැනීමේ නිලධාරීන් පිටත් කර හරින බව ඔස්ට්‍රේලියානු මධ්‍යම රජයේ ආගමන කටයුතු පිළිබද අමාත්‍ය David Coleman පැවසීය.

මෙම බඳවා ගැනීමේ නිලධාරීන් ගේ ප්‍රධාන ඉලක්කය ඔවුන්ගේ ක්ෂේත්‍ර නියෝජනය කරන හොඳම වෘත්තිකයින් 5,000 ක් බඳවා ගැනීම බව වාර්තා වේ.

එහිදී විශේෂයෙන්ම තාක්ෂණික අංශය පිළිබඳ වැඩි සැලකිල්ලක් දක්වන බව ද වාර්තා වේ.

ලෝකයේ ඉහළ තරගකාරීත්වයක් සහ වර්ධනයක් තිබෙන ක්ෂේත්‍ර වල නිරත පුද්ගලයින් හට ඔස්ට්‍රේලියාවට පැමිණීමට ඒත්තු ගැන්වීම මෙම බඳවා ගැනීමේ නිලධාරීන් හරහා සිදු කෙරේ.

ඒ හරහා ඔස්ට්‍රේලියාවේ අදාළ ක්ෂේත්‍ර වල වර්ධනයක් ඇති කිරීම ඔස්ට්‍රේලියානු මධ්‍යම රජයේ ඉලක්කය වී ඇත.

එලෙස අදාළ ක්ෂේත්‍ර වල ව්‍යාපාර දියුණුවීමත් සමග ඉහළ නිපුණතාවක් සහිත ඕස්ට්‍රේලියානුවාසීන් විශාල පිරිසකට ඉහළ වැටුප් සහිත රැකියා ලබා දීමට ද අවකාශය ලැබෙන බව ඔස්ට්‍රේලියානු මධ්‍යම රජයේ ආගමන කටයුතු පිළිබද අමාත්‍ය David Coleman විසින් හෙළිදරව් කළේය.

160,000 ක් වූ ඔස්ට්‍රේලියාවේ වාර්ෂික නිපුණතා සංක්‍රමණික නව කෝටාවේ 5,000 ක් කෝටාවක් මේ සඳහා වෙන් කර ඇති බවද සඳහන්.

කෙසේවෙතත්, ඉහළ සුදුසුකම් සහ නිපුණතාවක් සහිත පුද්ගලයින් සිටීනම් මේ වන විට ඇති distinguished talent හෝ skilled independent වීසා ඛාණ්ඩ හරහා ඔස්ට්‍රේලියාවේ ස්ථිර පදිංචියට අයදුම් කරන ලෙසද ඔස්ට්‍රේලියානු මධ්‍යම රජය ඉල්ලා සිටියි.


මෙම පුවතට අදාළව ප්‍රතිචාර දැක්වීමේ අයිතිය ඔබ සතුය. එම ප්‍රතිචාර lankaanews@gmail.com යන ඊ මේල් ලිපිනය වෙත යොමුකරන්න