බුදු පිළිම කැඩූ සිද්ධිය හෙළිකළ පොලිස් නිලධාරියාට සාළිගෙන් තර්ජන?

මාවනැල්ල බුදුපිළිම කැඩිමේ සිද්ධිය පිළිබඳ තොරතුරු හෙළිදරව්කළ සහකාර පොලිස් අධිකාරි ගාමිණි තෙන්නකෝන් මහතාට බස්නාහිර පළාත් හිටපු ආණ්ඩුකාර අසාද් සාලි මහතා ඊයේ දිනයේදී තර්ජනය කර ඇතැයි එක්සත් ජනතා නිදහස් සන්ධාන මන්ත්‍රි ජයන්ත සමරවීර පවසනවා.
මන්ත්‍රීවරයා මේ බව සදහන් කළේ පාර්ලිමේන්තුවේදී අදහස් දක්වමින්.

 “මාවනැල්ලේ සිද්ධියේ ප්‍රධාන සැකකරුවන් අත්අඩංගුවට ගත්තානම් පාස්කු ඉරිදා ප්‍රහාරය වළක්වාගන්න තිබුණා.ඔවුන් අත්අඩංගුවට ගන්න දුන්නැත්තේ ආසාද් සාලි. නමුත් ඔහුගෙන් කටඋත්තරයක්වත් ගත්තේ නැහැ.පාස්කු ඉරිදා ප්‍රහාරය ගැන විමර්ශනය කරන තේරීම්කාරක සභාවට ගාමිණී තෙන්නකෝන් මහතා කැඳවන්න කියලා අපි කතානායකවරයාගෙන ඉල්ලා සිටියත් එම කැඳවීම සිදුවුනෙත් නැහැ.

අසාද් සාලිගේ තොරතුරු සමාජයට කිව්වෙ ඇයිද කියලා අහලා තර්ජනය සිදුකර තියෙන්නේ.

අසාද් සාලිගේ මේ දුෂ්ට උත්සහය පිළිකුලෙන් හෙළා දකිනවා.වහාම අසාද් සාලි අත්අඩංගුවට ගන්න ඕන.එවිට  වහබ්වාදි අන්තවාදි සියලු දෙනා ගැන හෙළිදරව් කරගන්න පුළුවන්.මොහු ආගිය තැන් හොයන්න ඕන.ජාත්‍යන්තර සබඳතා හොයන්න ඕන.ජාතික වශයෙන් ව්‍යාප්තවෙලා තියෙන්නෙ කොහේද,ඊළඟ සැලසුම් මොනවාද කියා එවිට සොයාගන්න පුලුවන්.”

2646

ආසාදිතයන්

1981

සුවය ලැබූ

654

දැනට රෝගීන්

11

මරණ

බෙදා හරින්න :