මාර්ග තදබදය නැති නොකළොත් පුද්ගලික බස් වර්ජනයක්

මාර්ග තදබදයට විසදුමක් ලබා නොදුණහොත් ජනවාරි මාසය වන විට බස් රථ ධාවනයෙන් ඉවත් වන බව ලංකා පෞද්ගලික බස්‌ හිමියන්ගේ සංගමයේ සභාපති ගැමුණු විඡේරත්න මහතා පවසනවා.
ඔහු කියා සිටියේ රජය 2020 දී ඉහලින් ගමන් කිරීම ගැන කතා කළද අද වන විට දැවැන්ත මාර්ග තදපදයට විසදුම් ලබාදීමට පවා අසමත්ව ඇති බවයි.මාර්ග තදබදයට විසඳුම් ලබාදිය නොහැකි නම් යහපාලන රජයේ ඇමැතිවරුන් 05 දෙනකුට ඉල්ලා අස්‌වන ලෙස තමන් ඉල්ලා සිටින බවද ඔහු කියා සිටියා.බස්‌ රථ සඳහා ප්‍රමුඛතා මංතීරුවක්‌ හඳුන්වා දෙනු ලැබුවත් එය නිසි ලෙස පවත්වාගෙන නොයන බැවින් කොලඹ නගරයේ රථවාහනවල පැයට වේගය කිලෝමීටර 5 තෙක් අඩුව ඇති බවයි විජේරත්න මහතා පෙන්වා දෙන්නේ.