කොරෝනා ගැන අනියත බියක් එපා / ජනතාවට ඉල්ලීමක්

කොරෝනා වෛරසය ආසාදිත බවට සැක කෙරුණු 71 දෙනෙකු පසුගිය සතිය තුළ ජාතික බෝවන රෝග විද්‍යායතනයට ඇතුළත් කර තිබේ.

එම රෝහලේ අධ්‍යක්‍ෂ වෛද්‍ය හසිත අත්තනායක මහතා පවසන්නේ, කොරෝනා වෛරසය ආසාදනය වී ඇති බවට තවමත් තහවුරු වී ඇත්තේ, පසුගියදා හමුවූ චීන ජාතික කාන්තාව පමණක් බවයි.

වෛරසය වැළඳුනු බවට සැක කෙරෙන රෝගීන්ගෙන් බොහෝ දෙනෙකු වෛරසය නොමැති බව තහවුරු වීමෙන් පසු රෝහලෙන් පිටව ගොස් තිබේ. තවමත් රෝහලේ ප්‍රතිකාර ලබන්නේ, රෝගීන් 09 දෙනෙකු පමණි. රෝගය ආසාදනය වී ඇති වට සැක කෙරුණු චීන ජාතික කාන්තාව ද ඒ අතර වූවාය. ඇය මේ වනවිට සම්පූර්ණයෙන් සුවය ලබා ඇති බව ජාතික බෝවන රෝග විද්‍යායතනයේ අධ්‍යක්‍ෂවරයා සඳහන් කරයි. එම විද්‍යායතනයේ බාහිර රෝගී අංශය ඇතුළු සියලු අංශවල ප්‍රතිකාර සේවා සාමාන්‍ය පරිදි සිදුවන අතර, සියලු සෞඛ්‍ය කාර්ය මණ්ඩල කැපවීමෙන් සේවා සපයයි. ඒ සම්බන්ධයෙන් ජනතාව නොමඟ යවන අසත්‍ය ප්‍රචාර පළ නොකරන ලෙස, එම රෝහලේ අධ්‍යක්‍ෂ වෛද්‍ය අත්තනායක මහතා මාධ්‍යයෙන් ඉල්ලා සිටී.

3271

ආසාදිතයන්

3016

සුවය ලැබූ

242

දැනට රෝගීන්

13

මරණ

බෙදා හරින්න :
en_USEnglish
en_USEnglish