යෝධ වැවේ අධිරක්ෂිතයේ නීතිවිරෝධී ඉදිකිරීම්

තිස්සමහාරාම ප්‍රාදේශීය සභා බලප්‍රදේශයේ – යෝධ කණ්ඩිය යෝධ වැව ආශ්‍රිත අධිරක්ෂිත කලාපය තුළ නීතිවිරෝධී ඉදිකිරීම් රාශියක් මේ වනවිට සිදු කරමින් පැවතීම යෝධ වැව් රක්ෂිතයට විශාල පාරිසරික හානියක් සිදු වන බව රුහුණු ගිරිවාපත්තු ඒකාබද්ධ ගොවි සංවිධානයේ ලේකම් ලුණුගම්වෙහෙර ප්‍රාදේශීය සභාවේ හිටපු මන්ත්‍රී, ජනතා විමුක්ති පෙරමුණේ අපේක්ෂක චන්ද්‍රසේකර යාපා මහතා පෙන්වා දෙයි.

යෝධ වැවේ අධිරක්ෂිත පෝෂිත කලාපය මෙම මානව ක්‍රිරියාකාරකම් නිසා දිනෙන් දිනම විනාශ වීමට පටන්ගෙන තිබේ. යෝධ වැව පිරී ඇති මේ කාලයේ වැව් රක්ෂිතය තුළ සාදා නිම කර ඇති සංචාරක හෝටල් සහ අනෙක් ඉදිකිරීම්වල මායිම් සීමා ඇතුළතටම වැවේ ජලය පිරී පැවතීම, වැව් රක්ෂිතය උල්ලංඝනය කර ඉදිකිරීම් කර ඇති බවට හොඳම සාධකය ලෙස පෙන්වා දිය හැකිය.

කොතෙක් නීතිරීති තිබුණද කාලයක් පුරාවට යෝධ වැව් රක්ෂිතය විනාශ කරමින් මෙම ඉදිකිරීම් සිදු කිරීම සම්බන්ධයෙන් ප්‍රදේශවාසීහු දැඩි අප්‍රසාදය පළ කරති.

මේ පිළිබඳව තිස්සමහාරාම ප්‍රාරාදේශීය සභා ලේකම් පී.එස්. නිහාල් මහතාගෙන් කළ විමසීමේදී හෙතෙම මෙසේ පැවසීය.

“තිස්ස ප්‍රාදේශීය සභාව කොමසාරිස් පාලනය යටතේ පවතින පසුගිය මාස 31දා සිට තිස්සහාරාමයේ වැව් රක්ෂිතයක ඉදිකිරීම් සඳහා මම අවසර දීලා නැහැ. යෝධ වැව් රක්ෂිතයේ ඇති අනවසර ඉදිකිරීම් සඳහා නීතිමය කටයුතු සිදු කෙරේවි. පාරිසරික හානියක් කවුරුන් හෝ සිදු කර ඇත්නම් නීතියෙන් ගැලවීමක් ඇත්තේ නැහැ.”

10424

ආසාදිතයන්

4282

සුවය ලැබූ

6123

දැනට රෝගීන්

19

මරණ

බෙදා හරින්න :

Leave a Reply

Your email address will not be published.