කොරෝනා ආසාදිතයන් ගණන මිලියන 7ට ළංවෙයි

ලොව පුරා මේ වන විට වාර්තා වන කොරෝනා ආසාදිතයින් සංඛ්‍යාව මිලියන 7 ට ආසන්න වී තිබේ.

ජෝන්ස් හොප්කින්ස් විශ්වවිද්‍යාලයේ සංඛ්‍යාලේඛන අනුව එම සංඛ්‍යාව දැක්වෙන්නේ හැටඅට ලක්ෂ අනූහත් දහස් දෙසිය විසිපහක් ලෙසයි.

මින් සියයට 30 ක් හෙවත් ආසාදිතයින් මිලියන 2 ක් වාර්තා වන්නේ අමෙරිකා එක්සත් ජනපදයෙනි.

ලොව පුරා මේ වන විට වාර්තා වී ඇති ආසාදිත මරණ සංඛ්‍යාව ලක්ෂ 4 ට ආසන්න වී ඇති අතර ඒ අනුව එම සංඛ්‍යාව තුන්ලක්ෂ අනූනව දහස් හත්සිය අසූ නවයකි.

මරණ සංඛ්‍යාවෙන් තුනෙන් එකක් වාර්තා වන්නේ ද අමෙරිකාවෙන් වන නමුත් වයිසරය හේතුවෙන් දකුණු අමෙරිකාවෙන් වාර්තා වන මරණ සංඛ්‍යාව ද ශීඝ්‍රයෙන් ඉහළ යමින් පවතී.

කොරෝනා වයිරසය හේතුවෙන් මාස 5 ක් තුළ වාර්තා වූ මරණ සංඛ්‍යාව වාර්ෂිකව මැලේරියා රෝගයෙන් මරණයට පත්වන පුද්ගලයින් සංඛ්‍යාවට සමාන වේ.

කොරෝනා ආසාදිත මරණ සංඛ්‍යාව ලක්ෂ 3 සිට ලක්ෂ 4 දක්වා ඉහළ යෑමට ගතවී ඇත්තේ දින 23 ක් පමණි.

5811

ආසාදිතයන්

3457

සුවය ලැබූ

2341

දැනට රෝගීන්

13

මරණ

බෙදා හරින්න :

Leave a Reply

Your email address will not be published.