මූල්‍ය අපරාධ කොට්ඨාසය මඟින් පරීක්ෂණයට භාජනය කර පරීක්ෂණ අවසන් කර ඉදිරි නීතිමය පියවර ගැනීම සඳහා නීතිපති දෙපාර්තමේන්තුව වෙත ඉදිරිපත් කර ඇති ලිපිගොනු 97 සම්බන්ධ‍යෙන් තවමත් කිසිදු උපදේශයක් ලබා නොදීම නිසා මූල්‍ය අපරාධ කොට්ඨාසයේ නිලධාරීන්ට නිකරුනේ කාලය ගත කිරීමට සිදුවී ඇති බව මූල්‍ය අපරාධ කොට්ඨාස ආරංචි මාර්ග සඳහන් කරයි.

එම පරීක්ෂණ වාර්තාවලට මේ වන විට නීතිපති උපදෙස් ලැබී තිබුණේ නම් ඒවා සම්බන්ධයෙන් ඉදිරි පියවර ගෙන අවසන් කිරීමට ඉඩ තිබූ බව ද මූල්‍ය අපරාධ කොට්ඨාසය තව දුරටත් කියා සිටියි.

මුල්‍ය අපරාධ කො‍ට්ඨාසයට මහා පරිමාණ මූල්‍ය වංචාවලට අදාළ පැමිණිලි පන්සියයකට වැඩි ප්‍රමාණයක් ලැබි තිබූ අතර, ඒ අතරින් තුන්සියයක් පමණ සම්බන්ධයෙන් පරීක්ෂණ සිදු කෙරිණි.

එම පැමිණිලි අතර විවිධ පුද්ගලයන්ගේ වත්කම්වලට අදාළව ලැබී තිබූ පැමිණිලි ආදිය අල්ලස් හෝ දූෂණ විමර්ශන කොමිසම හෝ එම පැමිණිල්ලට අදාළව පරීක්ෂණ සිදුකෙරෙන වෙනත් පරීක්ෂණ ආයතනවලට බාර දී ඇත.

මුදල් විශුද්ධිකරණයට අදාළ පරීක්ෂණ සිදු කිරීමේ බලය අල්ලස් හෝ දූෂණ විමර්ශන කොමිසමට නොමැති නිසා එම කොමිසමට ලැබී තිබූ එවැනි පැමිණිලි මූල්‍ය අපරාධ කොට්ඨාසය වෙත ලබා දී තිබුණි දැනට නීතිපතිවරයා වෙත ඉදිරිපත් කර ඇති පරීක්ෂණ වාර්තා අතර එම පැමිණිලිවලට අදාළව පරීක්ෂණ සිදු කර අවසන් කළ පරීක්ෂණ වාර්තා ගණනාවක් ද වෙයි.

මේ සියලු වාර්තාවලට නීතිපති උපදෙස් ලබන වසර ආරම්භ‍යේදීවත් ලැබෙනු ඇතැයි මූල්‍ය අපරාධ කොට්ඨාසය විශ්වාස කරයි.

20795

ආසාදිතයන්

14962

සුවය ලැබූ

5743

දැනට රෝගීන්

94

මරණ

බෙදා හරින්න :

Leave a Reply

Your email address will not be published.