රජයේ නිලධාරීන්ගේ ණය වාරික හා ණය පොලී අයකරගැනීම යළි ඇරඹෙයි

කොරෝනා වයිරසය හේතුවෙන් ඇතිවූ තත්ත්වය සැළකිල්ලට ගෙන රජයේ නිලධාරීන්ගේ ණය වාරික හා ණය පොලී අයකරගැනීම මෙම මස වැටුපේ සිට යළි අය කරන බව, රාජ්‍ය පරිපාලන අමාත්‍යංශයේ ලේකම් ජේ. ජේ රත්නසිරි මහතා පවසා තිබේ.

එයට අදාළ චක්‍රලේඛයක්ද මේ වනවිට නිකුත් කර ඇති බවද ඔහු සඳහන් කර ඇත.

කොරෝනා වයිරසය හේතුවෙන් ඇති වූ තත්ත්වය සැලකිල්ලට ගෙන රජයේ නිලධාරීන්ට ලබා දී ඇති ණය සහ අත්තිකාරම් වෙනුවට ඔවුන්ගේ වැටුපෙන් අයවිය යුතු ණය වාරික හා ණය පොලී අය කර ගැනීම අත්හිටුවීමට තීරණය කර ඇති බව ආණ්ඩුව පවසන ලදී.

නමුත් පසුව ඒවා අයකරගෙන තිබූ අතර, පසුව අයකරගැනීම අත්හිටුවීමට අවශ්‍ය නම් ලිපියකින් ඉල්ලුම් කරන ලෙස රාජ්‍ය සේවකයන්ට රජය දැනුම් දෙන ලදී.

කොරෝනා වයිරසය ව්‍යාප්තියත් සමඟ රාජ්‍ය සේවකයින්ට සේවයට වාර්තා කිරීමට ලබාදී තිබූ සහන කාලය දෙපාර්තමේන්තු ප්‍රධානීන්ට හා ආයතන ප්‍රධානීන්ට අවශ්‍ය පරිදි තවදුරටත් පවත්වාගෙන යන ලෙසට උපදෙස් දී ලබා දී ඇතැයි ද රාජ්‍ය පරිපාලන ලේකම්වරයා පවසා තිබේ.

2154

ආසාදිතයන්

1979

සුවය ලැබූ

164

දැනට රෝගීන්

11

මරණ

බෙදා හරින්න :

Leave a Reply

Your email address will not be published.