විශේෂඥයින් පිරිස නිව් ඩයමන්ඩ් නෞකාවට ළඟාවෙයි

දිවයිනට පැමිණි බ්‍රිතාන්‍යය විශේෂඥයින් පිරිස නිව් ඩයමන්ඩ් නෞකාව වෙත ළගා වී ඇති බව නාවික හමුදාව සදහන් කළා.

නාවික හමුදා මාධ්‍ය ප්‍රකාශක කපිතාන් ඉන්දික ද සිල්වා මහතා පැවසුවේ, ගලවා ගැනීමේ කටයුතු පිළිබඳ විශේෂඥයින් 6 දෙනෙකු එලෙස නෞකාව වෙත රැගෙන යමින් ඇති බවයි.

නිව් ඩයමන්ඩ් නෞකා මෙහෙයුම සඳහා 10 දෙනෙකුගෙන් යුත් බ්‍රිතාන්‍ය හා නෙදර්ලන්ත විශේෂඥයින් පිරිසක් ඊයේ දිවයිනට ළගාවුණා.

මෙම පිරිසට මුදවා ගැනීමේ මෙහෙයුම් විශේෂඥයින්, ආපදා තක්සේරුකරුවන් හා නීති උපදේශකයෙකු ද ඇතුලත්.

ගුවන් හමුදා මාධ්‍ය ප්‍රකාශක ගෲප් කැප්ටන් දුෂාන් විජේසිංහ මහතා පැවසුවේ අද දිනයේත් නිරීක්ෂණ ගුවන් යානා යොදා නෞකාවේ තත්ත්වය පිළිබඳ වාර්තාවක් ලබා ගැනීමට නියමිත බවයි.

ඉන්දියානු වෙරළ ආරක්‍ෂක දෙපාර්තමේන්තුවට අයත් ඩ්‍රෝනියර් යානාවක් මත්තල ජාත්‍යන්තර ගුවන් තොටුපොළේ සිට ආපදාවට පත් නෞකාව පිහිටි මුහුදු ප්‍රදේශයේ නිරීක්‍ෂණ කටයුතු ආරම්භ කර තිබුණා.

මේ අතර නිව් ඩයමන්ඩ් නෞකාවේ වාණිජ හිමිකරු වන ග්‍රීසියේ ඇතෑන්ස් නුවර පිහිටි ආයතනය විසින් ආපදා ගැලවුම්කාර පාර්ශවය ලෙස සිංගප්පූරුවේ ජාත්‍යන්තර ආයතනයක් පත් කර තිබෙනවා.

නාවික හමුදාව නිවේදනය කළේ එම ආයතනය විසින් නෞකා මෙහෙයුම සඳහා බොරතෙල් සම්බන්ධ විශේෂඥයින් හා උපකරණ නිව් ඩයමන්ඩ් නෞකාව වෙත යොමු කරමින් ඇති බවයි.

මේ අතර ධීවර දෙපාර්තමේන්තුවේ සෝදිසි මෙහෙයුම් අංශයේ සහකාර අධ්‍යක්ෂ පද්මප්‍රිය තිසේරා මහතා ධීවර ප්‍රජාවට දැනුම් දෙන්නේ නිව් ඩයමන්ඩ් නෞකාව ආශ්‍රිත ප්‍රදේශයට යාමෙන් වළකින ලෙසයි.

කුවේට්හි මීනා අල් අහමදි වරායේ සිට ඉන්දියාවේ පරාදීප් වරාය දක්වා යාත්‍රා කරමින් තිබූ නිව් ඩයමන්ඩ් නෞකාවේ පසුගිය බ්‍රහස්පතින්දා පෙරවරුවේ මෙම ගින්න හටගත්තා.

ගින්න ඇතිවන අවස්ථාවේ නෞකාව යාත්‍රාකරමින් තිබුණේ සංගමන්කන්දේ සිට නාවික සැතපුම් 38 ක් පමණ දුරිනි.

පැනමා ධජය යටතේ යාත්‍රා කළ එම නෞකාවේ බොරතෙල් ලීටර් මෙට්ට්‍රික් ටොන් දෙලක්ෂ 70000 ක් සහ නෞකාවට අවශ්‍ය ඩීසල් ලීටර් මෙට්ට්‍රික් ටොන් 1700 ක් පමණ වනවා.

3363

ආසාදිතයන්

3210

සුවය ලැබූ

140

දැනට රෝගීන්

13

මරණ

බෙදා හරින්න :

Leave a Reply

Your email address will not be published.

en_USEnglish
en_USEnglish