සන්ඩේ ලීඩර් ප්‍රධාන කතෘ ලසන්ත වික්‍රමතුංග මහතා ඝාතන සිද්ධිය සම්බන්ධයෙන් රහස් ප්‍රකාශයක් ලබාදීමට තමන් සූදානම් බව ගල්කිස්ස කොට්ඨාස බාර ජ්‍යෙෂ්ඨ පොලිස් අධිකාරි හේමන්ත අධිකාරී මහතා ගල්කිස්ස මහේස්ත්‍රාත් මොහොමඩ් නිහාල් මහතා ඉදිරියේ අද ප්‍රකාශ කළා.

නීතිඥ අතුල රණගල මහතා මගින් අධිකරණයට කරුණු ඉදිරිපත් කරමින් ඒ මහතා මේ බව දැනුම් දුන්නේ ලසන්ත වික්‍රමතුංග ඝාතන සිද්ධිය සම්බන්ධ නඩුව අද විභාගයට ගැනුනු අවස්ථාවේදීයි.

මෙම නඩුවේ සැකකරුවන් වන හිටපු නියෝජ්‍ය පොලිස්පති ප්‍රසන්න නානායක්කාර සහ ගල්කිස්ස පොලිසියේ අපරාධ අංශයේ හිටපු ස්ථානාධිපති තිස්ස සුගතපාල යන දෙදෙනා මාර්තු 02 වැනි දා තෙක් තවදුරටත් රිමාන්ඩ් කිරීමට මෙහිදී නියෝග කෙරුණා.
මෙම ඝාතන සිද්ධිය සම්බන්ධ පරීක්ෂන අවසන් අධියරට එළඹ ඇති අතර ඉදිරි සමය තීරණාත්මක වනු ඇති බවයි ප්‍රකාශ වන්නේ.

20171

ආසාදිතයන්

14069

සුවය ලැබූ

6015

දැනට රෝගීන්

87

මරණ

බෙදා හරින්න :