7කට මරු කැදවමින් ග්‍රෑන්ඩ්පාස් ගොඩනැගිල්ල කඩා වැටිම කුමන්ත්‍රණයක් ?

හත්දෙනෙකුට මරු කැඳවමින් පසුගියදා ග්‍රැන්ඩ්පාස් ගොඩනැගිල්ල කඩා වැටීමේ සිද්ධිය සම්බන්ධයෙන් තම සොහොයුරා සැක කරන බව කොළඹ හදිසි මරණ පරීක්ෂණ අධිකරණයේ දී පැවැති එම සමාගම් හිමිකරු වන තාහීන් අබාස් කුලාන් හුසේන් (51) නමැති අයගේ මරණ පරීක්ෂණ‍යේ දී ඔහුගේ ඥාති දියණියක වන ෂරීඩා ෂබ්රි (40) නැමැත්තිය ප්‍රකාශ කර තිඛෙනවා.
තම සුළු පියා මිය ගිය දින පෙරවරුවේ අපරාධ පරීක්ෂණ දෙපාර්තමේන්තුව වෙත නීතිඥයකු මාර්ගයෙන් මුදල් ගණුදෙනුවක් සම්බන්ධ පැමිණිල්ලක් කොට පැය කිහිපයක් තුළ මෙසේ මරණයට පත්කිරීම කුමන්ත්‍රණයක් සේ සලකන බවයි ඇය වැඩිදුරටත් කියා සිටියේ.

තම සොයුරා තවත් පුද්ගලයෙකු සමඟ එකව මිය ගිය සුළු පියාගේ අත්සන ව්‍යාජ ලෙස යොදා මූල්‍ය ආයතන කිහිපයකින් රුපියල් මිලියන පනහකට අධික ණය ලබා ගෙන ඇති බවත් ඊට එරෙහිව රහස් පොලිසිය හමුවේ තම සුළු පියා පැමිණිල්ලක් ඉදිරිපත් කිරීම නිසා තම සොයුරා සිතා මතා මෙම අපරාධය සිදුකළ බවට තමන් සැකකරන බවත් ඇය සදහන් කරනු ලැබුවා.
කොළඹ විශේෂඥ අධිකරණ වෛද්‍ය එස්.ඩී.චන්න පෙරේරා මහතා පශ්චාර මරණ පරීක්ෂණ සිදු කළ අතර අදාල වෛද්‍ය වාර්තා සහ සාක්ෂි සැලකිල්ලට ගත් කොළඹ නාගරික හදිසි මරණ පරීක්ෂක මොහොමඩ් අෂ්රොෆ් රූමි මහතා ඉහත සාක්ෂියට අදාල පුද්ගලයාගෙන් ප්‍රකාශයක් ලබා ගැනීමට තීරණය කළ අතර සිද්ධියට සම්බන්ධ රස පරීක්ෂක වාර්තාව සහ අදාල ගොඩනැගිල්ලේ ඉන්ජිනේරුමය වාර්තාව මාර්තු 07 වෙනිදා ඉදිරිපත් කරන ලෙස පොලිසියට නියෝග කර තිඛෙනවා.

10105

ආසාදිතයන්

4282

සුවය ලැබූ

5804

දැනට රෝගීන්

19

මරණ

බෙදා හරින්න :