පළමු එක්දින තරගයේ ජය කොදෙව්වන්ට

සංචාරක ශ්‍රී ලංකා කණ්ඩායමට එරෙහි පළමු එක්දින තරගය කඩුලු 08කින් ජය ගැනීමට බටහිර ඉන්දීය කොදෙව් කණ්ඩායම සමත්විය.

තරගයේ කාසියේ වාසිය දිනූ ශ්‍රී ලංකා කණ්ඩායම ප්‍රථමයෙන් පන්දුවට පහරදීමට තීරණය කළ අතර ඔවුන් පන්දුවාර 49ක් අවසානයේ සියලුදෙනා දැවී ලකුණු 232ක් ලබාගත්තේය.

ශ්‍රී ලංකා ආරම්භක පිතිකරුවන් වන නායක දිමුත් කරුණාරත්න සහ ධනුෂ්ක ගුණතිලක ශතක සබඳතාවක් පවත්වමින් ශ්‍රී ලංකා කණ්ඩායමේ ලකුණු පුවරුව ඉහළ නැංවීමට කටයුතු කළ ද මැද පෙළ පිතිකරුවන්ගේ ආසාර්ථකත්වය හේතුවෙන් විශාල ලකුණු සංඛ්‍යාවක් කරා යාමට හැකියා නොලැබිණි.

කෙසේවෙතත් සිය මංගල එක්දින තරගයට ක්‍රීඩා කළ අශේන් බණ්ඩාර පන්දු 60ක් තුළ හතරේ පහර 4ක් සමගින් ලකුණු 50ක් ලබාගත්තේය.

ජයග්‍රාහී ඉලක්කය හඹාගිය බටහිර ඉන්දීය කොදෙව් කණ්ඩායම කඩුලු දෙකක් පමණක් බිඳ වැටී තිබියදී ලකුණු 236ක් ලබාගනිමින් සිය ජයග්‍රහණය වාර්තා කිරීමට සමත්විය.

එහිදී ආරම්භක පිතිකරු ෂායී හෝප් ලකුණු 110ක් ලබාගත්තේය.

පුවත යවන්න

Leave a Reply

Your email address will not be published. Required fields are marked *