මහනුවර දේපල හා ජීවිත හානිවලට කඩිනම් වන්දි / ප්‍රතිසංස්කරණ කඩිනමින්

මහනුවර නොසන්සුන්තාවයෙන් මිය ගිය තුවාල ලැබූ පුද්ගලයන් හා දේපල හානි වෙනුවෙන් කඩිනමින් වන්දි ලබාදෙන බව අග්‍රාමාත්‍ය රනිල් වික්‍රමසිංහ මහතා පවසනවා.
වික්‍රමසිංහ මහතා විශේෂ ප්‍රකාශයක් සිදුකරමින් මේ බව සදහන් කළා.

මහනුවර ඇතිවූ නොසන්සුන්කාරී තත්ත්වය හේතුවෙන් හානිවූ පූජනීය ස්ථාන හා නිවාස එළඹෙන වෙසක් පුන් පොහෝ දිනට පෙර ප්‍රතිසංස්කරණය කර හිමිකරුවන්ට බාරදෙන බව යුද හමුදාපති ලුතිනන් ජනරාල් මහේෂ් සේනානායක මහතා පවසනවා.

තිබ්බටුවාවේ ශ්‍රී සිද්ධාර්ථ සුමංගල මල්වතු මහා නාහිමියන්  බැහැදැක ආශීර්වාද ලබාගත් අවස්ථාවේ සේනනායක මහතා  මේ බව කියා සිටියා.
විනාශවී ඇති සියලු ගොඩනැගිලි යතා තත්ත්වයට පත් කිරීම සඳහා ජනපති කාර්යාලයෙන් ඊට අවශ්‍යය මුදල් ප්‍රතිපාදන ලබා දෙන බවත්,  ජනපති උපදෙස් මත ත්‍රිවිධ හමුදාවේ මෙහෙය වීමෙන් අදාළ වැඩපිළිවෙළ ක්‍රියාත්මක කරන බවත්, මෙවර වෙසක් පුන් පොහෝ දිනය එළඹෙන අප්‍රේල් මස 29 දිනට පෙර සියලු ප්‍රතිසංස්කරණ කටයුතු සිදුකරන බවත් හමුදාපතිවරයා මෙහිදී සදහන් කළා.

10424

ආසාදිතයන්

4282

සුවය ලැබූ

6123

දැනට රෝගීන්

19

මරණ

බෙදා හරින්න :