පාර්ලිමේන්තුවේ සංයුතිය සහ රජයේ අභ්‍යන්තර තත්වයන් අනුව ආණ්ඩුවට හෝ අග්‍රාමාත්‍යවරයාට එරෙහිව විශ්වාසභංගයක් ඉදිරිපත් කර පරාජය කළ නොහැකි බව ආණ්ඩුක්‍රම ව්‍යවස්ථා විශාරද සහ අධි නීතීඥ ලාල් විජේනායක මහතා අවධාරණය කරනවා.
වත්මන් පාර්ලිමේන්තු සංයුතිය තුල අග්‍රාමාත්‍යවරයා ප්‍රමුඛ රජයට බහුතරයක් පවතින බැවින් විශ්වාසභංග යෝජනාවක් ඉදිරිපත් කළද එය නිශ්ඵල තත්ත්වයක් බවයි ඔහු පෙන්වා දෙන්නේ.
මෙම විශ්වාසභංගය ජය ගැනීමට නම් ඊට එක්සත් ජාතික පක්ෂයේ බහුතරයක් ජන්දය ලබාදිය යුතු වුවද එවන් තත්ත්වයක් මතු නොවන බවයි විජේනායක මහතා පෙන්වා දෙන්නේ.
යම් අවස්ථාවක එක්සත් ජාතික පක්ෂයේ මන්ත්‍රීවරයකු මෙම විශ්වාසභංගයට සහාය ලබාදුනහොත් ඔවුන්ගේ පක්ෂ සාමාජිකත්වය අහිමිකර මන්ත්‍රී ධූර හිමි කිරීමේ ප්‍රතිපාදන ඇති බවද නීති විශාරදයා සදහන් කරනවා.
මේ ඒ සම්බන්ධයෙන් ලාල් විජේනායක මහතා පල කළ තවත් අදහස් කිහිපයක්.

රජයේ අස්ථාවර භාවයක් පිළිබඳව විවිධ තර්ක මතු වුණත්, එවැනි අස්ථාවර භාවයක් බාහිරින් පෙනීමට තිබුනත් ඇත්ත වශයෙන්ම රජයේ කිසිදු අස්ථාවර භාවයක් ඇත්තේ නැහැ.ඊට හොදම උදාහරණය ඉතිහාසයේ පළමු වතාවට මේ රජය යටතේ අය වැය යෝජනාවලි තුනක්ම තුනෙන් දෙකක වැඩි ඡන්දයෙන් පාර්ලිමේන්තුවේදී සම්මත වීමයි. එමෙන්ම විශාල ආන්දෝලනයකට තුඩු දුන් අතුරුදන් වුවන් පිළිබද පනත ඇතුළු සෑම පනතක්ම මේ රජය යටතේ පාර්ලිමේන්තුවේදී සම්මත කෙරුණේද 2/3 ක වැඩි ඡන්දයෙනුයි. මේ අනුව පැහැදිලි වන්නේ මේ ආණ්ඩුවට පාර්ලිමේන්තුවේ ඡන්දවල හිඟයක්, ප්‍රශ්නයක් හෝ සැකයක් නොමැති බවයි.

20508

ආසාදිතයන්

14497

සුවය ලැබූ

5921

දැනට රෝගීන්

90

මරණ

බෙදා හරින්න :