පස්සර දී අනතුරට පත් බස් රථය කාලසටහනත් උල්ලංඝනය කරලා

Sri Lanka

මගීන් 14 දෙනෙකුට මරු කැඳවමින් පසුගියදා පස්සර 13 කණුව ප්‍රදේශයේදී පසුගිය දා අනතුරට ලක් වූ බස් පෞද්ගලික බස් රථය එදින ධාවනය කර ඇත්තේ නියමිත කාලසටහන උල්ලංඝනය කරමින් බව අනාවරණය වී තිබෙනවා.
ඒ අදාළ අනතුර සම්බන්ධයෙන් ජාතික ගමනාගමන කොමිසමේ ත්‍රි පුද්ගල කමිටුව සිදුකළ විමර්ශනයට අනුවයි.
මේ වනවිට එම වාර්තාව ප්‍රවාහන අමාත්‍ය ගාමිණී ලොකුගේ වෙත භාර දී තිබෙනවා.
බස් රථය නියමිත වේලාවට පෙර ලුණුගලින් ගමන් ආරම්භ කර ඇති බවයි එහි දක්වා ඇත්තේ.
කාලසටහනට අනුව අදාළ බස් රථය සිද්ධිය වූ දිනයේ පස්වරු 6,50 ට ගමන් ආරම්භ කළ යුතු වුවද එදින උදෑසන 6.30 ට ලුණුගලින් කොළඹ බලා පිටත්ව ගොස් තිබුණා.
ජාතික ගමනාගමන කොමිසමේ අධ්‍යක්ෂ ජනරාල් නිලාන් මිරැන්ඩෝ සඳහන් කළේ අනෙක් බස් රථය නොමැති නිසා මෙලෙස අනතුරට ලක්වූ බස් රථය එදින උදෑසන මෙලෙස ගමන් ආරම්භ කර ඇති බවයි.

පුවත යවන්න

Leave a Reply

Your email address will not be published. Required fields are marked *