පාර්ලිමේන්තුව අලුත්වැඩියාවට ලක්ෂ 2000 ක් විතරයිලු

ශ්‍රී ජයවර්ධනපුර කෝට්ටේ පාර්ලිමේන්තු සංකීර්ණය අලුත්වැඩියා කිරීම සඳහා රුපියල් ලක්ෂ දස දහසක් (කෝටි 100 ) වෙන් කර ඇති බවට පළ වෙමින් පවතින වාර්තා සාවද්‍ය බව කථානායක මාධ්‍ය අංශය අද නිවේදනය කළා.

ඒ අනුව අදාළ සමස්ථ වියදම ලක්ෂ දෙදහසක් ලෙස නිවැරදි විය යුතු බවද නිවේදනය මගින් දක්වා තිබෙනවා.

පාර්ලිමේන්තු ගොඩනැගිල්ලේ ප්‍රතිසංස්කරණ කටයුතු සඳහා මෙම වසරේ රුපියල් කෝටි සීයක මුදලක් රජය මගින් වෙන් කර ඇති බවට පසුගිය දිනවල ඇතැම් මාධ්‍යයන්හි පළ වු වාර්තා කෙරෙහි අවධානය යොමු කරමින් නිවේදනය නිකුත් කළ බවයි කතානායක මාධ්‍ය අංශය පවසන්නේ.

වසර තිහක් පැරණි පාර්ලිමේන්තු ගොඩනැගිලි සංකීර්ණය මෙරට පොදු ජනතාව සතු දේපළක් වන අතර, අනෙක් ඕනෑම ගොඩනැගිල්ලක් මෙන් කලින් කලට අලුත්වැඩියා කරමින් එය නඩත්තු කිරීම අත්‍යාවශ්‍ය බවද නිවේදනයේ සදහන්. එබැවින් මෙම ගොඩනැගිල්ලේ ප්‍රතිසංස්කරණ කටයුතු කාලානුරූපීව සිදු කිරීමේ අත්‍යවශ්‍යතාවය කිසිලෙසකවත් බැහැර කළ නොහැක යනුවෙන්ද නිවේදනයේ සදහන් වනවා.

8413

ආසාදිතයන්

3933

සුවය ලැබූ

4464

දැනට රෝගීන්

16

මරණ

බෙදා හරින්න :