මිරිස්ස වෙරළ තීරයේ ඇති අනවසර ඉදිකිරීම ලෙස දකිනා ගොඩනැගිලි ඉවත් කිරීමට පියවර ගැනීම තාවකාලිකව නවතා දැමීමට පියවර ගතයුතු බව පලාත් පාලන අමාත්‍ය ෆයිසර් මුස්තාපා යළි අවධාරණය කරනවා.
ඒ මාධ්‍ය වෙත අදහස් දක්වමින්.මේ එහිදී අමාත්‍යවරයා පල කළ අදහස්.

“අනවසර ඉදිකිරීම් තිබිය නොහැකි අතර, රජයේ සැලසුම් හා පුළුල් ප්‍රතිපත්තිවලට ඒවා අනර්ථකාරී බව නීතියෙන් පැහැදිලිව ප්‍රකාශ කර ඇති බව ප්‍රතික්ෂේප කළ නොහැකි බව සියලු දෙනා දන්නා කරුණක්.

මිරිස්ස ප්‍රදේශයේ දිළිඳු ජනතාවට එක්වරම ස්වකීය ජීවිකාව අහිමි නොකරන බවට වගබලා ගන්නා බවට මා ප්‍රකාශ කිරීම තුළින් කිසිදු අවස්ථාවක මම රටේ ආණ්ඩුක්‍රම ව්‍යවස්ථාව සහ නීති පද්ධතිය අවතක්සේරු කිරීමට හෝ පැහැර හැරීමට කිසි විටෙකත් කටයුතු නොකෙළෙමි.

ප්‍රථම පියවරක් ලෙස අනවසර ඉදිකිරීම් ලෙස දකිනා ගොඩනැගිලි ඉවත් කිරීමට පියවර ගැනීම තාවකාලිකව නවතා දැමීමට පියවර ගතයුතු අතර, එයට මධ්‍යස්ථ විසඳුමක් සොයා ගැනීමේ ප්‍රයත්නය කෙරෙහි සාකච්ඡා මාර්ගයකට පිවිසිය යුතු වන්නේය.”

කෙසේ වෙතත් මීට පෙරද කොලඹ ජාතික රෝහල ආසන්නයේ අනවසර ඉදිකිරීම් ඉවත් කිරීම සදහාද අමාත්‍ය ෆයිසර් මුස්තාපා මහතා මෙවන් බලපෑම් එල්ල කළ අතර එය වැලැක්වීමටද ඔහු පියවර ගනු ලැබුවා.
මේ සම්බන්ධයෙන් ජනාධිපතිවරයා හා රජයේ ප්‍රධානීන්ගෙන් ජනතාව විමසිය යුතු වන්නේ අමාත්‍යවරයා දරන ස්ථාවරය ආණ්ඩුවේ ස්ථාවරය ලෙස පිළිගන්නේද යන්නයි.
රට පුරාම අනවසර ඉදිකිරීම් ඉවත් නොකර ඊට නීත්‍යානුකූල බවක් ලබා දෙන්නේද නැතහොත් මිරිස්සට පමණක් එම අවස්ථාව ලබා දෙන්නේද යන්නද පිළිතුරු දැක්විය යුතු තවත් ප්‍රශ්නයක් වනවා.
නොඑසේනම් සදහන් කළ යුතු වන්නේ රටේ නීතියට ගරු නොකරන අමාත්‍යවරුන් සමග යහපාලනයක් ගැන සිතීම පවා හාස්‍යජනක තත්ත්වයක් බවයි.රටේ ජනාධිපතිවරයාගේ සිට ඉහල ආදායම් ලබන්නා දක්වාත් අවම දිළින්දා දක්වාත් එකම නීතියක් ක්‍රියාත්මක විය යුතු අතර එසේ නොවන රටක් පෙරට ගමන් කරනු ඇති බවක්ද අප නොසිතන්නෙමු.
පසුගිය සමයේ මිරිස්ස ප්‍රදේශියේ සිදුවූ රට අපකීර්තියට පත් කරන සිද්ධීන් පිළිබදව බලධාරීන් තවමත් ඇස් හැර නොමැතිවීම කණගාටුවට කරුණක් වන අතර මිරිස්සට පමණක් නොව රට පුරාම අනවසර ඉදිකිරීම් ඉවත් කිරීම බලධාරීන් හා නිලධාරීන් සතු වගකීමක් බවද අප සිහිපත් කරන්නෙමු.

22028

ආසාදිතයන්

15816

සුවය ලැබූ

6113

දැනට රෝගීන්

99

මරණ

බෙදා හරින්න :